Category |
Albums |
Files |
|
10 |
2,234 |
|
2,234 files in 10 albums and 1 categories with 902 comments viewed 434,162 times |
|
Abutilon Pannosum191 viewsجنّی کاکینک
Jenni Kakaink
جنّی کاکینک کسانیں درچکے کہ ماں ٹوہیں درچکانی بگل ء رودیت - اے سال دوازدہیں ماہاں سبز انت - اے گردیں تاک پر کنت او زردیں پُل ، باز ڈولدار انت
|
|
Albizia Lebbek190 viewsچنال
Chinal
چنال ٹُوہیں درچکے - بلوچستان ء باز کم انت - اشیا گیشتر لوگانی دیما یا پیژگاہ ء کشینت - پرچا کہ یکّے بزیں ساحگ دنت دہمی پُلّے درگتا وشّین بوہ دنت - " کیچ ء چنال " باز نامداریں چنال ء بوتگ کہ بلوچ راجدپتر ء است انت - بلے اے چنال ء اکس ہم جُلگہیں آسمان ء دلبند اُو سُرمگیں جُمپانی میان ء زپت کُتگ
|
|
Pomegranate139 viewsAnaar
انار
انار یک میوہ ات کہ گیشتر گرماگے ھلاسی او زمستان ء اول سرا پا ورگ ء جاڈی بیت - انار پُل او انارے گروہگ گیشتر بلوچ شاہراں پہ جنک ء شرّنگی ء تشبیح داتگ انت - بلوچستان انارے واستہ وش تبیں موسُم دنت - مکران ے برزی ھنداں بگر تاں سراوان تاں توران اے انارے ردوما باز جوانیں ھند و دمگ انت - انار سُہریں گروھگے توکا سُہریں شیرکنین او تُروپشیں دانگ مان - انار کہ گیش بنت گڈا ایشان تاپ کن انت او اناردانگ جوڈ کن انت - آیے پُوستا چہ بندگ او پژم رجنت - انار دلے نادراہ اے علاج انت -۔
|
|
177 viewsAprouz
اپروز
اپروز یک وت رودیں پُل ء کہ بلوچستان جنگل ، پٹ او میدان ، کشاورزیں ڈگاراں رودیت - جمو دروشم ء پُل چو بٹاگ پُل ء وڑا انت باز ڈولدار انت -۔
|
|
Purua-Grass254 viewsTozg
تُزگ
تُزگ گیشتر لچ اُو مین ء رودیت - بزاں آپ ء کش اُو گواراں - تُزگ دریا ء سوریں آپ ء کش او گواران ہم رودیت - تُزگ اُنڈال چہ بارگیں دارے نمودار بیت بُرزا کلّچک ء وڈیں تاک اُو پُل پر کنت - تُزگ ء چرگ پس لچانی تُوک مین بنت اگاں شپانک دلگوش مداریت گڈا پساں شگال شکار کن انت - چونایا تُزگ ء مرچاں پُل ء وڈا لوگانی دپ اُو ترّوتابانی جاگہاں کشنت - باز ڈولدار انت
|
|
Castor oil plant191 viewsمُرپد
Morpad
مرپد یک برزین درچکے - کہ ایشیے تاک ہ بر بزاں دانگاپی دوا کارمرز کن انت - جلاب چہ مرپد ء پیداک بیت - کہ گوانڈوانی لاپ ریچگا کارمرز کن انت - مُرپد دو لبزانی اواری انت بزان مُرگ پد بلے نا اشیے تاک مُرگے پدے ڈولا انت نا کہ دانگ بلے چہ پیم اے نام داتگ یک زبان زانت ء بزانت
|
|
Capparis Decidua184 viewsKalair
کلیر
ادا کلیر بر انت او پُہتا انت -۔
کلیر یک ٹوہیں درچکے - گیشتر ماں وڑ و گریشگاں رودیت - کلیر ڈولداریں پُل پر کنت - کلیر بر پرکنت برے ورانت و تامدارنت - منی ہیال ء اگاں ما کلیر ا میوہ بگوشاں رد نہ انت - پرچا کہ بلوچستانے جنگلی میوہ بزاں کوُنر، کنر، جگّر،کلیر و دگہ بازیں - کلیر دار ا لوگے منگ جوڑ کن انت کلیرے دارا زمین نہ وارت - کلیرے واستہ دو بتل نامدار انت
۱ لج نہ کنت کلیرا کہ بے تاکا بر کنت
۲ دار کلیر انت کہ منگہاں سے جاگہ پُروشیت
اُوے زیرّک بات کہ لیڑو ڈاچیگاں کوشیت
|
|
Baloch classic carrying bag204 viewsھاک کش
Hak kash
ھاک کش چہ پُرک ءِ پیش ءَ جوڑ کتگیں درپ کہ کوہستگ ءِ مردم زمیں ھاکاں یک جاہ جست کن انت ءُ دومی جاہ ءَ برنت، اشیا دو بڈی پر کہ وتی دستاں مان کن انت کہ آ مردم ءِ بڈا بزاں پُشت ءِ ترنگا ایر بیت۔ اے کچ ءِ وڈیں ات بلے کچ ءَ ھرے سرا لڈ انت بلے اے ایوکا مردم ءِ بڈا ایر بیت، اشیے سرا ھاک ءَ چہ ابید دھل ہم چہ ڈگاراں وتی لوگاں یا کُرماں بر انت تو ایر کن انت۔
|
|
|
Rufous Tailed. Scrub Robin0 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach35 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|