Category |
Albums |
Files |
|
10 |
2,233 |
|
2,233 files in 10 albums and 1 categories with 901 comments viewed 434,157 times |
|
Grapes Tree135 viewsAngoor e drachk
انگور ءِ درچک
بلوچستان ءَ انگورے درچک کش انت ءُ ایشانی ثمراں بہا کن انت ۔ بلے انگورے کش اگ تنیگا نزان انت ۔ اے انگورے درچک انت من کشتگ ءُ من اشیا زمین ءِ سرا نہ واپینتگ بگندے من اشیا مک کتگ بزاں ہوشتارینتگ ۔ انگورے درچکان اگاں تو چو ول ءِ وڑا واپین ءِ تاں اے شر بر پر نہ کن انت ۔ اشاں تو چو ایدگہ درچکانی وڑا مک بکن بزاں ہامودے وڑا تچک ءُ شش چہ دہ فُٹ بہ گڈ ات تنکہ ہما جاہ شاہ لمب بہ بیت ۔ دگہ آئی کنٹ بزاں ماتیں دار ءَ ہچ وڑیں جمل جنگ مئییل ات ۔ اے وھدے کہ برز بیت ءُ شاہ ءُ جمل یک ءُ دو فُٹ اندرا بہ بنت ۔ پنچ چہ دہ شاہ ءَ گیشتر مہ بنت ۔ وھدیکہ انگور شاہ ءُ لمب بیت ہمک سال فروری ءِ گڈسرا ااشیے شاہ بہ چن بزاں شاھاں گوڈ ۔ بلے نوکیں شاہ جنت نوکیں شاھانی ہمرائیا آ بور ءُ بر بزاں سمر پر کنت ۔
|
|
Nanorrhops ritchieana319 viewsDaaz
داز
داز ء چہ پیش پیداک بیت ۔ پیش ء چہ انچیں ازباب جوڈ بیت کہ بلوچ ء زندا گوں ہمگرنچ انت ۔
|
|
Asman Grand131 viewsآسمان گرند
Asman Grand
اے یک کوہ نام انت کہ شاپُک ءِ مچکدگ ءَ انت ۔ انچو پیریں مردم گوش انت کہ ادا وھدے زمانگ ءَ یک گرندے کپتگ۔ بلے ادا باز مردم زیارت ہم کن انت ۔
اکس ء منت شے جان رضا
|
|
Gowaskol327 viewsGowask.
گواسک
چو بلوچانی پیما لاگر انت - چیا کہ گواسکُل ء مات ء بزاں مادگا دوشنت و شیراں تنگ انت - کم وراگے سوب ء گواسکل لاگر انت ہم ء وڈا دریں قوم بلوچ گلزمین ء مادناں کش انت و برنت - وت کارمرز کن انت - دوشوک وکشّوک بزّور پزّور انت بلے بلوچ گلزمین ء چُک لاگر لاگر انت - منی نزّا گواسک او بلوچ چُکّے کسّہ یک انت
|
|
Dove194 views
کپوت
Kapot
کپُوت بلوچستان ء جہمنندیں مُرگے نہ انت - بلے سالے شش ماہاں کپوُت بلوچستان ءَ گوازینت - وھدے یُوروپ ءَ شرتگ ءُ گوریچ کشّگا بُنگیج کنت ڈنّ و ڈگار برپین بنت گڈا ایدگہ مُرگانی وڈا کپوت سپر کنت او بلوچستان 1 مارچ ءَ زائری کنت - اے درگت بلوچستانء گلّہے روُن بیت - کپوت وتی دو و سے ماہے سپرے ژندیا بلوچستانے مچکدگ،جنگل و پٹ و میداناں چہ کشّیت - بلوچستان گرماگے موسم کپوتے ہیک رینیے واستا باز دلجم انت - کپوت اگست ء واتر بیت
اجب گیر کاینت ندارگ گُلانی
کپوتانی کوُ کوُ کرام شانتلانی
میجر مجید
|
|
Flame tree (Delonix regia)136 viewsگلُ مُہر
Gul e Mohor
گل مہر اے ڈنّی درچک ءِ بلے مرچاں بلوچستان ءَ دان دانگے است، گُل مہر باز ڈولداریں پُل پر کنت، اے گیشتر ماں مئ تاں اگست گرماگ ءِ موسماں پُل بیت کہ تانسریں درچک سُہر سُہر بیت۔
|
|
147 viewsپارو
Parrow
اے کسانیں ول وڑیں درچک ءِ کہ زمین ءِ سرا پراہ روت ۔ انچو کہ انگور انت ۔ چو لیوارے وڑیں تاک پر کنت ءُ زمستان ءَ پُل پر کنت ءُ گرماگ ءِ وھداں اشیے بر پُہتہ بنت بزاں رس انت ۔ باز مردم اشیا فالودہ ہم گوش انت ۔ اشیے دانگ وھدے کٹیک انت ءُ سبز بنت وھدے کہ رس انت گڈا سُہر ءُ رند ترا سیاہ بنت ۔ اشیے تام باز وش ءُ شیرکن انت ۔ اے یک میوہ ءِ ۔
|
|
False daisy (Eclipta prostrata)193 viewsJohi Jawakk
جوُہی جواکّ
جوہی جواک گیشتر جوہ او شہجوانی کش و کرّا رودی او سیرآپیں ڈگارانی تہا ہم رودیت - جوہی جواک وت رودیں کاہے کہ کشاریں ڈگاراں ہم ھراب کنت - اسپیتیں پُل ء ہم جنت ڈولدار گندگ بیت -۔
|
|
|
Astola Beach32 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|
Capparis spinosa101 viewsKarago
کراگو کسانیں درچکے بلے چُو ولّ ء وڈا زمین ء سرا پراہ روت - اے زمستان ء درگت ء ماں ڈگارواں اُو سرکگ ڈنّاں رُودیت - بلے تانسریں گرماگ ء سبزاچک بیت - اسپیتیں پُل ء پر کنت اُو کسانیں دانگ پر کنت اشیا دلوت نہ ورانت پرچا کہ زھریں تام کنت -Jul 13, 2024
|
|