| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,816 times |
|
|
Bolan Mount149 viewsWadi Bolan
وادی بولان گرماگی ہور بزاں بش ءِ بوگ سوب ءَ بولان کوھ سرسبز انت
بلوچاں گوشتگ ۔ وھدیکہ گرماگی ہور مہ بیت گڈا زمستانی ہور مہ بات
بلوچاں پمیشکہ گشتگ کہ بلوچستان ءِ گیشترں ھند ءُ دمگ گرماگ ءَ ھدا ءَ چہ گیش گرم بنت ۔ زمستان ءَ ھور بوتگ اگاں درچک نوک رود بوتگ انت گرماگ ءَ ہور نہ بوتگ تاں گرم ءَِ سوب ءَ جنگلانی نوکرودیں درچک مُرتگاں ۔ تو ہمے سوب بوتگ کہ بلوچاں گوشتگ وھدیکہ گرماگی ہور مہ بیت گڈا گرماگی ہور مہ بات۔ اے اکس ءِ چارگ ءَ انچو سما بیت کہ گرماگے ہور کجام وڑا کوہاں سر سبز کنت ۔
|
|
Baloch classic watering 202 viewsشونچوک
Shonchok
شونچُک یا شولونچُک شہجوانی سرا جنگ بوتگ انت ۔ کہ چریشیا چہ آپ کش اتگ ءُ کشار آپ داتگ انت ۔ ڈگار کہ بُرز بوتگ انت آپ سر نہ کپتگ انت گڈا اودا شونچوک منڈ اتگ ءُ آپ کش اتگ ءُ پیماز، چماٹوک ، تمباک ،گزّرک آپ داتگ انت ۔ بلے اے کوہستگاں ہم کارمرز کتگ انت جہل ءِ کنڈانی آپ بُرزے ڈگاراں داتگ انت ۔
|
|
Balochi classic date food282 viewsمدرے موش
Madar e mosh
اے مدر انت ۔ مدر ءَ گوں ساپیں روگن ہور گرم کن انت ۔ بلے ناہ ءِ گڈڈگ ءَ نہ کش انت ۔ ادا مدرے جوڑ کنگ ءَ ناہ ءِ گڈڈگ کش اتگ انت ۔ ناہ ءِ گڈڈگ ءِ جتا کنگ ءَ رند گوں ساپیں روگناں گرم کتگ انت ۔ چونایا مدر انت بلے باز جاہ ءَ مدرے موش ہم گوش انت ۔
|
|
Plantago boissier151 viewsدانیچک
Danichk
دانیچک یک کسانیں کاہ ات، بلے بلوچستان ءَ اشیے ٹوھیں ارزشت ءِ بوتگ ، دانیچک ءِ چنگ ءَ جننیناں سپت زُرتگ ءُ جنگل ءَ پہ دانیچک ءِ چنگ ءَ شتگ انت ۔ دانیچک زرتگ پنگ جوڑ کتگ انت ، بلے مرچاں آ پیشی وھد گوستگ انت ، نوں کس وتی سراں دانیچک نہ جنت ۔ چونایا دانیچک دوائے کہ لاپ ءِ بادینگ ءَ شر انت ۔
|
|
Shrimp186 viewsدریائی مدگ
Daryahi Madag
دریائی مدگ یم یک ماھیگ ءِ ۔ اے گیشتر نزیک ءِ تیاب دپاں بیت ۔ بلوچستان ءِ زر ہم باز تہرے دریائی مدگ ءَ چے بے بہر نہ انت ۔ تیاب دپی مردماں چہ ابید بلوچستان ءِ بُرزی مردماں اشیے ورگ بژ ایت ۔چیا کہ اے چو کرم ءِ وڑا انت بلے اشیے تام باز وش انت ۔
|
|
Physalis159 viewsکوہی لیلان بلُک
Kohi lilan balok
لیلاں بلوک گونگیں کسانیں بہارکاہ ءِ کہ یک یک دانگ پر کنت بلے دانگ ءِ نازُرکیں تزمُکیں پوش ءَ انت کہ باز ڈولدار انت ۔ بلوچستان ءکیچ ءِ ھنداں اے است ۔ ۔
|
|
Hashti. a Balochi game321 viewsHashti
ھشتی
ھشتی بلوچانی کوہنیں گوازی انت ۔ ھشتی یا ھشتاں چوکی مرچی ہم بلوچ مہلونک لیب کنگا انت ۔ اے لیب ءَ چار در کہ آہاں پُشت ءُ دیم کن انت ۔ او ایشاں دگہ دارے کہ کلّانی میان ءَ مک انت، ہمیشیے سرا جن انت ۔ اگاں چارین دار دیم چیر کپ انت ۔ بزاں ہشت زانگ بیت اگاں پشت سر کپ انت گڑا چار زانگ بیت ۔ ہمے وڈا یک ءُ دو ءُ سے ہم بنت ۔ یک مردم دو چُک بنت بلے چکانی پچ بوّگ ءَ ہشت یا چار جنگ لازمی انت ۔
|
|
Common Carp (Cyprinus carpio)۔ 189 viewsگلفام
Golfam
اے وشیں آپ ءِ ماھیگ انت ۔ اشیے دراجی 120 سنٹی بیت۔ اشیے وزن 40 کیلو بوت کنت۔ اے ماھیگے عمرے کساس 65 سال انت بلے تاں 100 سال ءَ زندگ بوت کنت ۔ اے ماھیگ مکران ءَ 2005 ءَ میران ڈیم ءَ زاھری کتگ ، بلے ادے مردماں اشیارا الکاپیں نام دات نہ کتگ۔ چیزے مردمان اشیارا مشرف گشتگ ءُ لہتیں مرماں اشیارا بےنزیر گوشتگ ۔ اے ماھیگ وشیں آپیگ انت ءُ بلوچستاں وشیں دریا نہ بوتگ، بلوچستان ایوکا وشین دریا ءَ ڈیرہ غازیخان ءَ است انت بلے واکاں ڈیرہ غازی خان چہ بلوچستان ءَ جتا کتگ۔
ڈیرہ غازی خان بلوچ اے ماھیگ ءَ گلفام گوش انت۔
انڈیا ءَ اے ماھیگ ءَ رُوھُو گوش انت۔
بنگالی اے ماھیگ ءَ روحی گوش انت۔
انگریزی ءَ(Cyprinus carpio) Common Carp ۔
|
|
|
|
Purslane50 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
