| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,904 times |
|
|
Rhazya stricta253 viewsEishirk
ایشرک
اے کسانین بوُٹگے کہ گیشتر ماں کوہ او کوراں رودیت - کسانیں اسپیتیں پُل ء پر کنت - کوسرک بیت - اے مدام پہ دوا کارمرز کتگ - اگاں مچّ کرما وارتگ گُڈا ایشرکے شاہ پروشتگ او مچّے گرکا داتگ - اگاں ماشیں دان پہ توم ایر کنگی بوتگ گڈا ایشرکے ھُشکیں تاک توکا ایر کتگ انت تنکہ وروکے ما وارتے - ۔
|
|
Petunia124 views
Batonia
بتونیا
سیاہ رنگیں پُل نیست بلے اے من اولی رند انت کہ سیاہ رنگے پُل دیسست ۔
بتونیا بُن اسلا چہ زرباری امریکہ ء پُل ء بلے مرچی باندا پورئیں دگنیا بتونیا کش انت - باز رنگے پُل پر کنت - چونایا چہ سیادی گوں تمباک ء کنت - او فرنسی زبان پیٹون تمباک ء گوش انت - باز ڈولداریں پُل ء کمّک وھدے درگتا پُل آرگ بندات کنت -۔
Pic by Mehlab Naseer.
|
|
Snake gourd114 views
پڑوال
Padwal
پڑوال ءَ باز جاگہ ءَ دراجیں کددو ہم گوش انت ۔ اے بلوچستان ءَ روچدرتکی ہند و دمگان گیشتر است ۔ ایشیا سبزی ءِ وڑا کارمرز کن انت ۔ ایشیے پُل ہم باز ڈولدار انت ۔
|
|
Bitter melon162 viewsکریلا
Karela
کریلا یک سبزی ءِ بلے بلوچستان ءِ سبزی نہ انت ۔ اے چو ولّ ءِ وڑا سرکپان بیت دو نمونگیں پُل پر کنت بزان نرین او مادگیں ۔ اے گرّناکین کسانیں لوش پر کنت۔ اشیے بر سک باز تہل بزاں زھر انت ۔ شکرے بیمار کریلا پہ شوک نارُوشت کن انت ۔ مرچاں کریلا جوس ہم نیادیاں دست کپیت ۔
|
|
Cassia surattensis188 views
زرد پُلّی
Zard polli
زرد پُلی کسانیں درچک ءِ کہ گیشتر وھد ءَ پُل انت ۔ اے سال ءِ دوازدھین ماھاں پُل انت بلے لہتیں وھد ءَ باز پُل انت برے کم بلے مدامی زرد زرد انت ۔
|
|
Classic tray233 viewsPataal
پاتال
پاتال چہ پات گواپگ بیت چو تال ءِ وڑا پچ ءُ پراہ بیت ۔ اشیا گیشتر ترون ءِ سرا نان پچ انت ءُ سرے ایر کن انت ۔ کمے مستریں پاتال جوڑ کن انت ءُ دلوتانی دیم ءَ کاہ ءُ کدیم ایر کن انت ۔ اے ہم یک کوھنیں ربیدگی درپاں چی یک درپ ءِ ۔
|
|
Dill. Anethum graveolens150 viewsGwatag
گواتگ
گواتگ یک بزارے بزاں مسالہ کارمرز بیت - کسانیں بوٹگے کہ بہارَ درگتا رویت - اشیے ڈیل و ڈول چو رز او زیرّگے وڈا انت - زردیں پُل جنت - کسانیں دانگ پر کنت - کہ دانگاں چوپنت و دوگیں شیراں مان کن انت - کہ وشیں او سارتیں بوہ کنت او شیراں تامدار کنت -۔
|
|
Palm Date fruits231 viewsTarrin Naah
ترّیں ناہ
بلوچستان ءَ میوہ باز انت بلے ناہ ءِ مٹ نہ بنت ۔ بلوچستان ءَ وھدیکہ آمین بیت گڈا آ ھند ءُ دمگانی مردم دلوت مُرگ ءُ مور دراہ سیر بنت ۔ بلے دگہ میوہانی موسم ءَ ہمک سیر نہ بنت ۔ ناہ درست وش انت بلے تریں ناہ ءِ بستار ءِ دگر انت ۔
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
