| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,907 times |
|
|
Capparis Decidua276 viewsKalair
کلیر یک ٹوہیں درچکے - گیشتر ماں وڑ و گریشگاں رودیت - کلیر ڈولداریں پُل پر کنت - کلیر بر پرکنت برے ورانت و تامدارنت - منی ہیال ء اگاں ما کلیر ا میوہ بگوشاں رد نہ انت - پرچا کہ بلوچستانے جنگلی میوہ بزاں کوُنر، کنر، جگّر،کلیر و دگہ بازیں - کلیر دار ا لوگے منگ جوڑ کن انت کلیرے دارا زمین نہ وارت - کلیرے واستہ دو بتل نامدار انت
۱ لج نہ کنت کلیرا کہ بے تاکا بر کنت
۲ دار کلیر انت کہ منگہاں سے جاگہ پُروشیت
اُوے زیرّک بات کہ لیڑو ڈاچیگاں کوشیت
|
|
Grapes105 viewsAngoor
انگور
بلوچستان ءَ انگورے درچک کش انت ءُ ایشانی ثمراں بہا کن انت ۔ بلے انگورے کش اگ تنیگا نزان انت ۔ اے انگورے درچک انت من کشتگ ءُ من اشیا زمین ءِ سرا نہ واپینتگ بگندے من اشیا مک کتگ بزاں ہوشتارینتگ ۔ انگورے درچکان اگاں تو چو ول ءِ وڑا واپین ءِ تاں اے شر بر پر نہ کن انت ۔ اشاں تو چو ایدگہ درچکانی وڑا مک بکن بزاں ہامودے وڑا تچک ءُ شش چہ دہ فُٹ بہ گڈ ات تنکہ ہما جاہ شاہ لمب بہ بیت ۔ دگہ آئی کنٹ بزاں ماتیں دار ءَ ہچ وڑیں جمل جنگ مئییل ات ۔ اے وھدے کہ برز بیت ءُ شاہ ءُ جمل یک ءُ دو فُٹ اندرا بہ بنت ۔ پنچ چہ دہ شاہ ءَ گیشتر مہ بنت ۔ وھدیکہ انگور شاہ ءُ لمب بیت ہمک سال فروری ءِ گڈسرا ااشیے شاہ بہ چن بزاں شاھاں گوڈ ۔ بلے نوکیں شاہ جنت نوکیں شاھانی ہمرائیا آ بور ءُ بر بزاں سمر پر کنت ۔
|
|
Balochi classic muffler 276 viewsدزمال
Dazmal
دزمال بلوچ ءِ دود ءُ ربیدگے چیدگ ءِ جوڑ بوتگ ۔ دزمال گدا چہ جوڑ کنگ بیت۔ بلے اشیے جوڑ کنگ ءَ بلوچ تب ءِ باز ھیال گور کنگ بوتگ ۔ اشیے جوڑ کنگ ءَ وھدا ایشان رنگ ہم پہ وڑے رد ءُ بند داتگ انت ۔ ءُ بلوچ بے دزمال ءَ بلوچ زانگ نہ بنت مرچی باندا بلوچ دزمال ءَ وتی راجی میراث ءِ زانت، ءُ دزمال بلوچ ءِ پجّار انت۔
|
|
Common Quail chick 276 viewsبرنجی نکول ء پڈڈ
Brinji nikol e Padd
برنجی نکول ء بلوچی باز نام است ۔ لہتیں جاہاں ایشاں ماشی نکول گوش انت باز جاہاں ایشاں بٹیر ہم گوش انت ۔ اے زمستان ء مدام گلہانی توک ء بیت گرماگ کڈب ءُ اسپُستانی تہا ٹپیت ۔ بلے وھدیکہ گلہ رون ءُ موش بنت ٹپگ ء جاگہ نہ بیت اے کورانی چپ ءُ چاگرد ٹُپ انت ءُ پہ وت وراکی درگیج انت ۔
|
|
Lobster131 viewsMat Madag ya Kikata, Kika
مات مدگ یا کیکٹا، کیکا
اے گران بہائیں مات مدگ بلوچستان ء زر ء بے مٹّیں اُو لذّت داریں ماہیگاں چہ یکّے - ڈنّی ملکاں مات مدگ ء ٹُوہیں لوٹ ء است - بلے بلوچستان ء زر چو لُنڈانی شگنزے وڈا دپ ء پچ انت ہر کس وتی بہر ا بارت - باریں کدی بلوچانی زر بلوچانی کارا کیت
Pic by Akhtar Omar
|
|
Mentha spicata150 viewsپُرچینک
Porchink
پُرچینک یک کسانیں کاہ ءِ بلوچستان ءَ گیشتر کوہستگ ءَ کشاورز کتگ۔ اے پہ دوا کارمرز کنگ بیت ۔ بلے بلوچستان پُرچینک گیشتر ھُشک کتگ بورینتگ ءُ ناہ ءَ مان کتگ انت ۔ مرچاں اشیا گیشتر سیاہ چاہ ءَ مان کن انت۔ اے چو پودینہ وڑین ات بلے اشیے تاک چرایا دراج تر انت ءُ تام ہم چہ پودینہ ءَ تامدار تر انت ۔
|
|
Mushroom158 viewsکولاھوک
Kolahok
کُلاھوک کٹینگ ءِ نازُرک تریں زات انت ۔ اے گیشتر شپ ءَ رودیت ءُ روچ وھدے شیر گرم بیت اے مریت ءُ ھلاس بیت ۔
|
|
Suaeda vermiculata200 views
رگت یا سُورگ
Regit ya Sorag
اے کسانیں درچک ء کہ گیشتر سُورگیں جاہاں رودیت - سورگ ہما جاہ انت کہ ہُودا کشار نہ بیت - بلے مالوم بیت پہ چاگرد یا ماحول ء واستا باز جوان انت - رگت ء کسانیں نلکّیں تاک پر کنت کہ چہ چۃ سُوریں آپ ء پُر انت - اُشتر رگت ء پہ شوق چریت
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
