| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,905 times |
|
|
A view of Kapkapaar Border with W. Balochistan214 viewsKapkapaar, Negwar Nadarag
کپکپار، نگورے ندارگ
اے ندارک واجہ جان البلوشی ء زپت کتگ، اے اکس پنچ او شش رنگے توکا ٹہینتگ اول سرا ڈلپادین جاہ آسماںی رنگے داتگ، درچکانی ھندا دگہ رنگے، جُمپانی دگہ رنگے، ماتبندے دگہ رنگے، ہمے وڈا آزمان ء رنگ ہ٘ دگہ رنگے - اے وڑیں اکساں ایوکا اکسانی اکسپرٹ بزاں زانکار کش ات کن انت -۔
|
|
Datura174 viewsDattorag
دتّورگ
دتورگ یک کسانیں بوٹگے کہ میدان جنگل اُو کوہاں رودیت - دتورگ زرد و اسپیتیں ڈولداریں دراجیں پُل پر کنت - دتورگ بر کنت کہ کُنٹآگ کنٹگ نمونگیں پُوستے تۃا دانگ ماں - چونئیا دتورگ دوا ء بلے مرچاں دتورگ دانگاں پہ نشہ کارمرز کن انت
|
|
Argemone mexicana149 viewsجنِّی کرپاس
Jenni Karpas
اے درچک کسانیں کہ اسپیت چکیں تاک پر کنت کہ تاکاں کنٹگ پر ءُ زِبر انت ۔ اے گیشتر روچ دراتکی بلوچستان ءَ رودیت، اے زردیں ڈولداریں پُل ءِ پر کنت۔ اے کسانکیں بر پر کنت کہ چو کٹلوک مالوم بنت بلے ورگی نہ انت ۔
|
|
Date Bag234 viewsKapat
کپات
اے کپات ءِ یک نمونگ انت ۔ چونایا کپات نہ داز ءِ پیش ءَ جوڈ کنگ بیت ۔ کپات پہ ناہ ءِ واستہ جوڈ کنگ بیتگ کہ مچ ءِ روپگ ءِ وھدا گورشان ءَ ناہانی وزن گران بیت گڈا مچے سرے مرد ناہاں کپات ءَ کنت ءُ ھووند ءَِ چہ جہلا راہ دانت ۔ ہمے وڈا کپات ءِ ناہاں پدا سپت ءَ کن انت۔ سپت کہ پُر بیت گڈا ناہاں شگنز ءَ بر انت ۔
|
|
Baloch People147 viewsبلوچ راج
بلوچ راج وتی وس و اک ء مدام جہد کنت کہ دگرے مہتاج یا چمدار مہ بیت ۔ ادا پیر مرد پیش بر اتگ بڈا بستگ انت ۔ کہ ایشاں ستی لوگ ء بارت کہ اشان چہ ساد ، پات ، تگرد، سپت، دگہ بازیں چیر؛ے جوڑ کت کنت ایشاں بہا کنت وتی زند ءَ ہمے وڑا گوازین انت ۔
|
|
Baloch classic saw & sharpener 207 viewsداس ءُ سوّان
Das o Sowan
داس بلوچانی کوھنیں کشاورزی ءِ یک ازباب ءِ کہ بلوچستان ءِ داس ءَ کار گرانت ۔ داس ءِ سرا برنج ءُ کڑب ءُ گلّہ ءِ رون ءِ رونگ ءَ کارمرز کن انت ۔ داس ءَ چہ کاہ چن انت ءُ زمین آکوش انت۔ ہمے وڑا مچّانی لُٹ ءُ پیش ءَ داس ءَ کار گرانت ۔ داس وھدے کہ کنٹ بیت ، گڈا تیز کنگ ءِ واستہ سوہاں حاجت بیت ۔ چمیشکا داسانی ہمرائیا سوہان ہم جاڑیگ انت ۔
|
|
Wild Tortoise166 views
کسیپ
Kaseep
کسیپ دو زات انت ۔ یک ءِ آپ ءَ زند گوازین ات ءُ دومی ماں جنگل ءُ کوہ ءَ زند گوازین ات ۔ اے جنگلی کسیپ انت اے گیشتر کوہ ءُ گٹاں دست کپیت ۔ اے گیشتر وھداں ھونڈاں انت ءُ باز کم وھداں ڈن ءَ درکیت ۔ چونایا اگاں ھور بہ بیت تو اے درگت ءَ تر و تیاب زیات کنت اے کم کم ءَ رودیت ءُ شست تاں ہشتاد سال زند گوازینت کنت ۔
|
|
Pumpkin192 viewsکوسیچ
Kosich
اے کوسیچ گرماگی موسماں رودیت ۔ وہدے زمانگاں بلوچاں کوسیچ ھُشک کتگ انت پدا لُپپوک نیمگ چار کنڈی درچتگ توک ساپ کنت او ساپیں روگنانی درپ جوڑ کتگ انت ۔ کوسیچ اولی سبزی انت کہ دیراں چہ ابید سردانہ ھراب نہ بیت ۔کوسیچ ءِ باز زات انت بلے بلوچستاں سے چار زات ءَ چہ گیشتر نیست ۔
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
