| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,905 times |
|
|
196 viewsKarag kowaapag
کرگ کُواپگ
وشیں کرگ
اے کرگ یک ٹوہیں درچکے او ساہگ دارے اشیا پتنیں تاک او شہ شنابیں شاہ پر کنت - اے گیشتر دریابارے ہند و دماگاں رودیت چوش کہ تیس، بریس نگورشریف او بازیں ہنداں - اشیے دانگ چو ینجیر نمونگیں بلے کستر انت او شرکن و تامدار انت - اے درچک چو بڑے نمونگیں درچکے بلے بڑے دانگ وش نہ انت
|
|
Nerium Oleander182 viewsJor
جور
جُور یک ڈولداریں پُل ء - بلوچستان ء گیشتریں کُوہ اُو دمگاں رُودیت - جور ہم ء وڑا ڈولدار انت ، ہمے وڑا کُچّلا زھر انت - دلوت جورے تاکاں بوہ چن انت بلے تاکاں نہ چرانت -۔
|
|
ُPalm male Lateral Bud186 viewsاکیم
Akim
اکیم گنش ءِ نازرکیں پودام انت ۔ اے تنگا نوک انت ۔ کہ اشیا کش انت ءُ کنش ءِ نازُرک انت ءُ ورنت ءِ اے وراگ ءَ باز وش انت ۔
|
|
166 viewsرانی میوہ
Rani mewa
رانی میوہ چونایا انچیں درچک ءِ کہ آ بر بہانی بہ نہ دنت ۔ بلے اے درچک ءِ شرّی ہمیش انت کہ میوہانی پیوند گوں ہمے درچک ءَ کن انت ۔ گڈا اے درچک زوت میوہ دنت ۔ گیشتر چیکو امب ءُ دگہ بازین ءِ گوں ہمے رانی میوہ ءَ پیوند یا قلم کن انت ۔
|
|
Date on 4 positions163 viewsNah
ناہ
اے مچے بر انت بزاں مچے نیبگ یا سمر انت ۔ بلے اے چاریناں بلوچی ءَ چار نام داتگ انت ۔
۔1 پَپُک .2 رنگ یا کلونٹ .3 ناہ .4 چل
شمے ھند ءُ دمگاں ایشاں چے گوش انت ۔
|
|
Watermelon180 viewsکوٹگ
Kottag
کوٹگ چہ کوٹگ ول ءَ پیداک بیت۔ ول زردیں پُل ہم پر کنت کہ ڈولدار انت ۔ پُل دو نمونگ انت ۔ یک ءِ نر انت ءُ دومی مادہ انت ۔ مادہ پُل دانگ بیت ۔ کوٹگ جونایا یک جنگلی ول بوتگ آئیے بنکی جاگہ نمبیانی افریکہ انت بزاں نمیبیا انت ۔ بلے کوٹگ ءِ کشار گیشتر ماں دریائے نیل کش ءُ گور بوتگ انت ۔ دوازدھمی فرعون ءِ قبر ءَ کوٹگ ءِ توم در گیجگ بوتگ ۔ بائیبل کوٹگ زکر است انت کہ بنی ازرائیل کہ وھدے مصر چہ سپر کنت گڈا آ کوٹگ ہم ورنت ۔ دھمی سدی ءَ چین ءَ سربوتگ کہ مرچی دگنائے مستریں کوٹگ پیداک کنوک انت ۔
|
|
Grasshopper295 viewsمدگ
مرچاں مدگ ء گندگ باز مشکل انت، چونایا مدگ کشارے دُژمن انت - ہم ء سوب انت کہ حکومتاں مدگ ء بُن بیہ گار کتگ - وھدے زمانگاں مدگے سہر بلوچستان ء اتکگ گڈا بلوچاں مدگ شکار کتگ پرچا کہ بلوچ مدگ ء پہ شوق وارت
|
|
Flesh Fly143 viewsگوتی مگیسک
Goti Magisk
مگسک ءِ باز زات انت ۔ اے سیاہ ءُ ماش ءُ کنگ ءِ رنگ انت بلے چم ءِ سُہر انت ۔ اے گیشتر گوتانی سرا نند انت چمیشکا ایشیا گوتی مگیسک گوش انت ۔
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
