| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,908 times |
|
|
Black Francolin 227 views
Seyah Gowarr
سیاہ گور
سیاہ گور باز ڈولداریں مُرگے کہ گیشتر بلوچستان ء کوری ھند و دمگانی گواشاں موجود بیت - سیاہ گور کپینجرے زاتیں نرین مُرگے - اشیے نیکینک ء شزّ گوشنت کہ ائے رند ایوکا ناسی انت - سیاہ گورے ڈولداری سے رنگانی بزاں سیاہ ، اسپیت او ناسی ء ہم دپی انت - سیاہ گور چو اے دگہ مُرگانی وڈا ناپید بوّان انت - س
|
|
Cordia subcordata120 viewsکورڑیا
Cordia
اے یک پُل ءِ درچکے کہ افریکہ ایشیا ءُ اسٹرلیا اشیے بنکی جاگہ انت بلے مرچاں ھرجاہ است انت ، اے نز دہ میٹر بُرزیں درچک ءِ بیت یکیں وھد ءَ پُل پر کنت ءُ انجیرے وڑیں دانگ پر کنت کہ ورگ ءِ قابل نہ انت ۔ اے چو لیوارے وڑیں پتنیں تاک پر کنت اشیے پُل ءُ دانگ باز ڈولدار انت ۔
|
|
A view of Zamoran193 viewsHoshaap
ھوشاپ
مئے ھند ءُ دمگاں کسانیں شیپانی دپ ءَ پند بند انت کہ آپ دار انت ما ایشاں اوٹگ گوش انت ۔ بلے اے زامران کوہ ءِ دیم رتکگیں آپ بی پلگاری ءَ شیپ ءَ جہلاد بوتگ انت ءُ گار ءُ بیگواہ بوتگ انت بلے کوہ ءِ مردمان ہمے مارتگ او کوہ ءِ دیم ءَ یک سندات ءِ بستگ کہ ھورے رتکگیں آپان جاگہ دنت ۔ بلوچ اشیا اوٹگ نہ بلکن ھوشاپ گوش انت، شما اے بابت ءَ چہ سرپد ات؟
|
|
Disease Date176 viewsپپُک بوْک انت
Papok bok ant
بُوک یک بیماری ات کہ مچے براں گپت۔ بوگ گیشتر ہما وھدا ءَ پپُک ءَ گپت کہ سال آباد مہ بیت۔ یا مچ تُنیک بہ بیت، یا گوات ءُ دنز باز بہ بیت۔ چرے ھلّتان مچ ءِ پپُکان بوک بیت ۔ بوک یک اسپیتیں موکوے تندے وڑا انت کہ پپُک ءَ پتا ہان کنت۔ رندا پپُک ھراب بیت۔ مچ ناہ بہ بیت ناہ ہم شر نہ بیت ۔ چونایا وھدے کہ مچ ءَ بوک گرگ ءَ بنگیج کنت دوا بزاں اسپرے جنگ لوٹ ات، بلے بلوچستان ءِ ھکومت ءَ تنیگا چوشین ھچ وڑیں گامگیج نہ زُرتگ کہ مچان اسپرے بکنت۔
|
|
Baloch Musical instrument 269 viewsتبل
Tabl
تبل چہ دارے توک ءَ درچن انت ءُ پدا آئیے سرا یک نیمگے پوست ءِ مان لگوش انت۔ دومی نیمگ انچو پچ انت کہ یک دست ءِ سرا دارانت ءُ دومی دست ءِ سرا جن انت کہ چو ڈھل ءِ وڑیں توار دنت۔ بلوچستان ءِ ایشانی یک گروپ است کہ ٹولی شکل میتگ میتگ ءَ گرد انت ءُ تبل جن انت ءُ گورز جن انت۔ اے وت ءَ مرید گوش انت ءُ مریدانی یک مُرشدے بیت کہ خلیفہ ءِ گوش انت ۔ بلے ایشانی شے بلوچستان ءَ شے رککل ءِ نام ءَ زانگ بیت، ۔
|
|
Kidling174 viewsشینیک
Shinik
کسانیں شنیک باز ڈولدار بنت۔ اگاں شینک باز بہ بنت ،گڈا اورت گوش انت۔ بلوچستان مدام پہ کاہچر کارمرز کتگ، ءُ بلوچستان ءَ شرریں کاہ چر است، بیلہ بہ بیت کہ نگور یا باھو ، اے باز نامداریں کاہچر انت ۔
|
|
Dill. Anethum graveolens150 viewsGwatag
گواتگ
گواتگ یک بزارے بزاں مسالہ کارمرز بیت - کسانیں بوٹگے کہ بہارَ درگتا رویت - اشیے ڈیل و ڈول چو رز او زیرّگے وڈا انت - زردیں پُل جنت - کسانیں دانگ پر کنت - کہ دانگاں چوپنت و دوگیں شیراں مان کن انت - کہ وشیں او سارتیں بوہ کنت او شیراں تامدار کنت -۔
|
|
Dove498 viewsکپُوت
کپُوت بلوچستان ء جہمنندیں مُرگے نہ انت - بلے سالے شش ماہں کپوُت بلوچستان ء گوازینت - وھدے یُوروپ ء شرتگ کشّگا بُنگیج کنت ڈنّ و ڈگار برپین بنت گڈا ایدگہ مُرگانی وڈا کپوت سپر کنت او بلوستان 15 مارچ ء زائری کنت - اے درگت بلوچستانء گلّہے روُن بیت - کپوت وتی دو و سے ماہے سپرے ژندیا بلوچستانے مچکدگ،جنگل و پٹ و میداناں چہ کشّیت - بلوچستان گرماگے موسم کپوتے ہیک رینیے واستا باز دلجم انت - کپوت اگست ء واتر بیت
اجب گیر کاینت ندارگ گُلانی
کپوتانی کوُ کوُ کرام شانتلانی
میجر مجید
|
|
|
|
Tecoma 2 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
