| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,904 times |
|
|
Sunflower85 viewsRoch Gowarchok
روچ گوارچُک
روچ گوارچُک یا روچ گردان بلوچستان ء جنگلا ْقدرتی رودیت اے چُونایا پُل ء شُمار کنگ بیت - بلوُچستان ء تنیگا الکاپی ء سرا نیادی نیست - بلے سندھ اّو پنجاپ ء روچگوارچُک الکاپی ء سرا کشار کنگا انت - مرچاں اشیے تُوم دانگاں پہ ناروشتی روگن جُوڑ کن انت - بلے اشیے توم ءَ مردم ورنت ءُ وھد گوازین انت ۔ روچ گوارچُک باز ڈولداریں پُل پر کنت روچ گوارچُک چمیشکا گوشنتے کہ پُل دیم مدام گوں روچ ءَ انت۔
|
|
Ridge Gourd - Luffa162 views
توری
Tori
توری یک سبزی زانگ بیت، بلے بلوچستان ء سبزی نہ انت - بلے مرچی باندا بلوچستان ء گیشتر مردم وتی باگاں کش انت ء- توری گیشتر پہ نارُشت کارمرز بیت - توری نارُشت باز تامدار انت - وھدے کہ توری پیر بیت گڈا پُونس بیت - پونس ء چہ مردم زورنت رزارن شودنت پر او جان ہم شودانت -۔
|
|
Custard Apple205 viewsسیتاں پُل
Setan poll
سیتان پُل
سیتان پل چونایا بلوچستان میوہ نا انت بلے مرچاں بلوچستان ء سیتان پل کشنت
|
|
Cotton is ready172 viewsKarpas e Pasl
کرپاس ء پسل
کرپاس ءِ پد یا نشان پنچ ہزار سال پیش چہ مسیح بلوچستان ءِ ہند مِہرگڈھ دست کپتگ انت ۔ تو تنیگا ہمے زانگ بیت کہ کرپاس بلوچانی کوہنیں پسل انت ۔ کرپاس سے تاں شش میٹر کساسیں درچک ءِ ۔ کچکپدے وڈیں تاک پر کنت زردیں ڈولداریں پُلّ ءِ پر کنت دانگ کہ پُہتہ ءُ ھُشک بیت چرایا چہ نرم او نازُورکیں پژم ءِ پیمیں پُکّی پر کنت ، کہ چرایا چہ بندیک جوڑ کن انت ءُ چہ بندیک ءَ چہ گُود ءُ جرّ ءُ دگہ بازین ءِ جوڑ کن انت
|
|
Tephrosia apollinea229 viewsMatkenok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
|
|
Potronk143 views
Potronk
پُترونک
پترونک یک شرّین ءُ زیب داریں کاہ ئے ،،اے کاہ ءِ موسم بہارے موسم اِنت ۔ ھور سالی ءَ کہ بھار میچے ھور بنت ، گُڈا ھما دمگاں کہ مدام ،،پُترونک ،،بیت ، گُڈا ھمے جاہاں پُترونک رودیت ۔پترونکے دگہ یک شرّی ئے اش اِنت کہ اشہ بُن ھچ نہ مریت، پُترونکے بُن چو کسانیں شلغم ءِ بُنڈ ءَ اِنت ، بلے پُترونک ءِ بُنڈے پوست سیاہ اِنت ،پترونکے بُنڈءَ اگہ کسے در بکنت ، یک جاھے بکشیت دومی سالءَ ھمے بُنڈ پدا تاک بیت ،، پترونک بس چار ءُ پنچ تاک جنت ، سک وشءُ تامدار اِنت ، یک مردمے پترونکے کم چہ کم کیلوئے ءِ اندازہءَ وارت کنت ، پترونک زیادہ چہ زیادہ 15 روچ سبز بیت ، پدا گلّونٹ جنت ، چہ گلّونٹ ءَ پد زرد پُلّ بیت ، پترونکے پُلّ سک زیبدار اِنت ،ءُ سکّیں وشبوئیں پّلّے ،چار ءُ پنچ روچءَ رند پُلّ گیمریت ءُ ھمے پُلّے تہے براں گوات بارت ، پدا دگہ سالے ءَ ھمے بر ھم رُدنت ۔پترونک زیادہ بلوچستان ءِ لہتیں دمگاں بیت ، ۔ پنجگور زیاد بیت ۔ پروم نگور کاٹگری پلنتاک زعمران بلیدہ واشُک دگہ باز ھنداں پترونک بیت ،
چمشانک ءِ مننت ۔۔ واجہ ساچان بلوچ
|
|
Vicia faba or Faba bean198 viewsBakalaink
باکلینک
بانکلینک بلوچانی کوھنیں کشارے، باز نازرکیں پسل ء 5 فٹ ء برز بیت - اشیا نومبرا کش انت او مارچ ء گڈسرا موش کن انت - بانکلینک نازرکیں کوسرکاں نارُشت کن انت وھدے ھشک بنت گڈا اشیا ڈلوک ء سرا ڈل انت او نارُشت کن انت - او آمین ء درگتا کوّل کن انت ناہے گونا ورنتے اے ھمک ّوھدا کار دنت -۔
ادا باکلینک پُل انت ۔
|
|
Potato flower108 views
Batatok
بٹاٹہ یا بٹاٹوک چونایا لاتینی امریکہ ءِ سبزی ءِ ۔ مرچاں اشیا بلوچستان ءِ روچدراتکی ھند ءُ دمگاں کشاورز کن انت ۔ اے کسانیں کاہ ءِ روتگاں چہ گردیں دانگ پر کنت ۔ اشیے دانگ زمین ءَ کل انت ۔ مرچاں بلوچانی نارُشت بے بٹاٹک ءَ بے جلوہ انت ، بزاں بلوچستان ءَ بٹاٹُوک باز کارمرز کن انت ۔
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
