| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,905 times |
|
|
Bitter melon162 viewsکریلا
Karela
کریلا یک سبزی ءِ بلے بلوچستان ءِ سبزی نہ انت ۔ اے چو ولّ ءِ وڑا سرکپان بیت دو نمونگیں پُل پر کنت بزان نرین او مادگیں ۔ اے گرّناکین کسانیں لوش پر کنت۔ اشیے بر سک باز تہل بزاں زھر انت ۔ شکرے بیمار کریلا پہ شوک نارُوشت کن انت ۔ مرچاں کریلا جوس ہم نیادیاں دست کپیت ۔
|
|
182 viewsگرَنچن
Granchin
گرنچن یک کاہ ءِ کہ ڈللپادیں ءُ ڈگارواں ءُ آزمان گندیں ڈگاراں ردیت۔ اے چو شینز ءِ وڑا انت ءُ ہمک چاہ کہ کپیت پدا ہمدا جمل ءُ شاہ جنت ءُ کشکا بیت ۔ اے باز ڈولدار انت ءُ ہم نیمگا ھُنڈال ءُ روتگ جنت ہمگ نیمگ ءَ چو گرنچ ءِ وڈا بندات بیت چمیشکا ایشیارا گرنچی گوش انت ۔
|
|
Eel167 viewsسانگ کلّو
Saang Kallo
سانگ کلو ہم دراجیں ماھیگ ءِ کہ گیشتر آپ توک ءَ ہونڈانی یا سنگانی چیرا ٹپ ات ۔ کسانیں ماھیگ کہ اشیے نزیک ءَ کاہنت ، گڈا ایشان شکار کنت ۔
|
|
Kashkol118 viewsKachkol
کچکول یک درپ ءِ۔ بلے اشیا گیشتر پکیر کور ءُ لنگ بزاں پنڈوک کار مرز کن انت ۔
|
|
137 viewsکوہ کرَگ
Koh karag
اے کسانیں بوٹگ ءِ گیشتر کوہستگاں رودیت ۔ ایشیے کسانیں بزیں تاک انت چو کرگ ءِ تاکانی وڈا انت ۔ اے ہمنچک برز ءَ روان انت آئیے تاک کسان بوّان انت ۔ اے کسانیں پُل پر کنت کہ چو کہ تُروپ ءِ وڑین انت ۔
|
|
Landscape of Balochistan312 viewsبلوچستان ءِ ندارگ
Balochistan e nadarag
|
|
Maerua crassifolia426 viewsJogr e poll o kromag
جُگرے پُل و کرومگ
جگر بلوچستان ء جنگلی نیبگ انت - جگر مچرنگ ء وھدا بر بیت جگرے برا لنڈور گوشنت - جگرے بر باز شرکن انت -۔
بلوچاں گوشتگ
من جُگران بار مُلّاھاں
|
|
Grape186 viewsAngoor
انگور
انگور یک میوہ ات - کہ آیے درچک چو ولّے وڈا رودیت - انگورے یک ھُوشیا پنچ ء بگر تاں پنچ سد دانگ بر پر بیت - انگورے میوہ باز شیرکن او تامدار انت - انگورا چہ شراب او شربت جوڈ کن انت - گیشیں انگورانی دانگاں تاپ کن انت او ھُشک کن انت او کشمش جوڈ بنت - کشمش ء چہ بریانی او کیک جوڈ کن انت - بلوچستانے بالائی ھند او دمگ بزاں سوراب قلات منگوچر مستونگ سرباز پنجگور ء انگورے بے ھسابیں باگ است -۔
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
