| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,904 times |
|
|
125 views
|
|
Sand Hyasinth434 viewsApiro
اپیرو
اپیرو چونیا بہارے وھدا ریکپادیں ہند و دماگاں و کُچّگاں رودیت - چونایا اپیرو یک کوُٹینگ ء ذات انت بلے دگنیا اشیارا بپاری پُلّ ء لیکت و زانت - اشیے باز رنگے پُل بنت بلے زرد پُل چہ درستاں ڈولدار تر انت -۔
|
|
Solanum nigrum104 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔
|
|
ؐmulti view of Balochistan mount169 viewsندارگ
Nadarag
اے بلوچستان ء کوہانی یک ندارگ ات ۔ اگاں تو اشیا ڈال بچاریت کہ یک کورک ء چُنڈے بلے اگاں تو اُرت بچارے گڑا باز چیز گندگ بیت ۔ چوش کہ ہُشتر ۔ لوگ او کُٹینگ او دگہ بازیں
|
|
Typha angustifolia157 viewsKoll
کُل
کُل چونایا کاہ ءِ ۔ اے گیشتر کوراں ہما جاگہ رودیت کہ اودا لچ ءُ مین باز بہ بیت ۔ نہنگ ءَ وھدے زمانگ ءَ کل باز بوتگ او کُلانی توک ءَ لدی ءُ دگر رستراں جاگہ کُتگ ، بلے مرچی باندا کم انت نوں میرانی ڈیم ءَ چہ باز جاگہ کُل رستگ ۔ بلوچاں کُل روتگ او سر ءُ بُن کتگ انت او وتی لوگانی سرا داتگ انت کہ ھور مریچ انت ۔ بلے درمُلک ء مردم کُل ءپُل ءِ دار کہ ترند انت زرتگ او سپت او ٹوکری جوڈ کتگ کُرشی ءُ ٹیبل جوڈ کوتگ بلے بلوچ تنیگا انچو نزان انت ۔
|
|
Potronk110 views
Potronk
پُترونک
پترونک یک شرّین ءُ زیب داریں کاہ ئے ،،اے کاہ ءِ موسم بہارے موسم اِنت ۔ ھور سالی ءَ کہ بھار میچے ھور بنت ، گُڈا ھما دمگاں کہ مدام ،،پُترونک ،،بیت ، گُڈا ھمے جاہاں پُترونک رودیت ۔پترونکے دگہ یک شرّی ئے اش اِنت کہ اشہ بُن ھچ نہ مریت، پُترونکے بُن چو کسانیں شلغم ءِ بُنڈ ءَ اِنت ، بلے پُترونک ءِ بُنڈے پوست سیاہ اِنت ،پترونکے بُنڈءَ اگہ کسے در بکنت ، یک جاھے بکشیت دومی سالءَ ھمے بُنڈ پدا تاک بیت ،، پترونک بس چار ءُ پنچ تاک جنت ، سک وشءُ تامدار اِنت ، یک مردمے پترونکے کم چہ کم کیلوئے ءِ اندازہءَ وارت کنت ، پترونک زیادہ چہ زیادہ 15 روچ سبز بیت ، پدا گلّونٹ جنت ، چہ گلّونٹ ءَ پد زرد پُلّ بیت ، پترونکے پُلّ سک زیبدار اِنت ،ءُ سکّیں وشبوئیں پّلّے ،چار ءُ پنچ روچءَ رند پُلّ گیمریت ءُ ھمے پُلّے تہے براں گوات بارت ، پدا دگہ سالے ءَ ھمے بر ھم رُدنت ۔پترونک زیادہ بلوچستان ءِ لہتیں دمگاں بیت ، ۔ پنجگور زیاد بیت ۔ پروم نگور کاٹگری پلنتاک زعمران بلیدہ واشُک دگہ باز ھنداں پترونک بیت ،
چمشانک ءِ مننت ۔۔ واجہ ساچان بلوچ
|
|
Euphorbia tirucalli124 viewsڈیڈار
Dedaar
ڈیڈار یک ٹوہیں درچکے - ڈیڈار کلیرے وڑیں درچکے - بلے ڈیڈار نہ پُل پر کنت ننکہ بر - اشیا گیشتر ڈگارانِ لمبا کش انت تنکہ ڈیڈار ڈگارانی پل ببیت - ڈیڈار درچک اسپیتیں بد بوہیں شیرگ دنت کہ گورے گداں پُولنگ کن انت - ڈیڈار چاریں موسماں سبز انت
|
|
DATE PALM, Outdated Male Lateral Bud136 viewsسرّ
Sarr
سرّ ہما وھد ءَ بیت کہ گونش گیش کپیت ۔ گونش چونایا نرین مچ انت کہ اشیے ٹالاں مادگیں مچ ءِ آئورتگیں یا ترککتگیں گونشانی توک ءَ مان کن انت ۔ مچ چہ گونش ءِ بوہ ءَ بند ایت ءُ شرّیں پپُک پر کنت ۔ اگاں تو مچاں گونش مکن ات ۔ تاں مچ پینّگ بنت ۔ ءُ برے ھراب بنت ءُ ورگ ءِ کار ءَ نیا انت
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
