| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,904 times |
|
|
Sorghum159 viewsکڈب
Kadab
کڈاب ء باز دھل انت ، بزاں سُہرو ، زُرت ، مکئی ، باجری او دگہ بازینے ۔ بلے اے کڈب چو زرت ے وڈا انت . اشیے دان اسپیت انت ۔ اے ڈولداریں ہوش پر کنت کہ ہوشانی تہا دان مان انت ۔ وھدے زمانگ ءَ زرت نان جوڑ کتگ ءُ وارتگ انت، زرت نان گوں دوگیں شیر ءَ ءُ پتکگیں لُجّر ءَ باز تام دار انت ۔
|
|
Wild melon 291 viewsChibit
چبٹ
چبٹ تیجگانی ذات ء گون سیادی کنت -چونایا چبٹ نہ کش انت بلے تیجگے توم ء کش انت تیجگے نزوریں و لاگریں توم رودنت و چبٹ پر کن انت - چبٹ چو تیجگ ء شیرکن و تامدار انت - بلے کسان انت - چبٹ وھدیکہ پُھتہ بیت گڈا وت چا ولّ ء سدیت جدا بیت - وھدیکہ سال آباد بہ بیت گڈا دشت ء چبٹ باز بیت - چمیشکہ نام کپتگ کہ دشتی چبٹ وار انت
|
|
Wagtail 165 viewsNambol
نمبُل
نمبُل کسانیں مرُگ ء دراجیں دُمبی انت - بلوچستان ء نمبُل گلّہ ء نمب ء او ایرھت بزاں کڈبے رون ء بازبیت - نمبُل کٹگ بالو پاتو چریت او کرم چنت وارت - نمبُل ہروھدا وتی دُمبیا سُرین ات - نمبُل گیشتر ڈگاراں کہ آپ بیت ہمودا موجود بیت - پرچا کہ آپ کشارے کٹگاں بال دنت او کرماں ڈنّا کارایت او نمبُل ہمیشاں چنت او وارت ۔ بلوچستان ء ھند و دمگاں اشیے باز نام انت - نمبُل، نمبی، بازارُک او تیلیسک ہم گوشنت۔
|
|
Baloch boy161 viewsمچ بُنی
Mach bony
وھدے کہ آمین بیت مچ ءِ ناھانی روپک ء واستہ یک مردمے مچ ءِ سرا سر کپیت بلے یک مردم ء مچ ء بن ءَِ بیت روپوک ناھاں گوشان ء کنت بلے وھدے کہ گورشان پُر بیت گڈا ناھاں کپات ءَ کنت ہوئند زوریت کپاتا بند ات ءُ جہل ء دیم دنت۔ مچ بنے مردم کپات ء ناہاں زوریت ء سپت ء مان کنت ہمے وڑا مچ بنی مردم پکار بیت ۔
|
|
Butterfly Blue Pansi288 viewsSabzin Aazmani Mollahok
سبزیں آزمانی مُلّاہُک
سبزیں آزمانی مُلّاہُک یا پاتو بلوچستان دست کپیت اے گیشتر کشارانی تہا گردیت اے باز ڈولدار انت اشیے بانزُل سیاہ او آزمانی رنگانی نقش انت - چمیشکا اے مُلاھُکا یا پاتو ا سبزیں آزمانی ملاھُک گوش انت -۔
|
|
Watermelon128 viewsکوٹگ
Kottag
کوٹگ چہ کوٹگ ول ءَ پیداک بیت۔ ول زردیں پُل ہم پر کنت کہ ڈولدار انت ۔ پُل دو نمونگ انت ۔ یک ءِ نر انت ءُ دومی مادہ انت ۔ مادہ پُل دانگ بیت ۔ کوٹگ جونایا یک جنگلی ول بوتگ آئیے بنکی جاگہ نمبیانی افریکہ انت بزاں نمیبیا انت ۔ بلے کوٹگ ءِ کشار گیشتر ماں دریائے نیل کش ءُ گور بوتگ انت ۔ دوازدھمی فرعون ءِ قبر ءَ کوٹگ ءِ توم در گیجگ بوتگ ۔ بائیبل کوٹگ زکر است انت کہ بنی ازرائیل کہ وھدے مصر چہ سپر کنت گڈا آ کوٹگ ہم ورنت ۔ دھمی سدی ءَ چین ءَ سربوتگ کہ مرچی دگنائے مستریں کوٹگ پیداک کنوک انت ۔
|
|
Bill been222 viewsبانکلینک
Bakalink
بانکلینک بلوچانی کوھنیں کشارے، باز نازرکیں پسل ء 5 فٹ ء برز بیت - اشیا نومبرا کش انت او مارچ ء گڈسرا موش کن انت - بانکلینک نازرکیں کوسرکاں نارُشت کن انت وھدے ھشک بنت گڈا اشیا ڈلوک ء سرا ڈل انت او نارُشت کن انت - او آمین ء درگتا کوّل کن انت ناہے گونا ورنتے اے ھمک ّوھدا کار دنت -۔
ادا باکلینک نوکی پُل انت ۔
|
|
A pair of Pigeon 128 viewsجُتک ءِ کپودر
Jotk e Kapodar
کپودرءَ وھدے زمانگ ءَ جنگانی تہا قاسدی کتگ، ءُ مہرو دوستی ہم بازیں داستان است کہ کپودرءَ کاسدے کردار کتگ انت۔ بلے بلوچانی شعرانی تہا ہم کپودر ءَ ربالو یا کاسد کن انت۔ یا کتگ انت، بلے مئے لہتیں شاعراں کپودرءَ باز ھرابیں دروشم پیش داشتگ۔
چوشکہ'' کپودرا بال کتگ بُرزا منی دل بارگ ءَ برتگ'' منی ھیال ءَ شاعر وت نزانت کہ من کپودر پہ چے کارمرز کتگ ۔
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
