| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,904 times |
|
|
Tephrosia apollinea81 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت
|
|
Pineapple 138 viewsالناس
Alennas
الناس بلوچستان ء میوہ نہ انت ۔ بلے اگاں تو بلوٹے بلوچستان ء کشت کنے ۔ ایشیا توم مان نیست بلے ایشے دانگے سر برا یک شاہ ء رودیت ۔ وھدے کہ لوٹ ایشیا بکش ات گڈا تو میوہ ء سرے شاہ برے چپ ء برے راست تاب دے چہ میوہ جدا بیت ۔ وھدے کہ تو جدا کت نوں اشیے چیرے نیمگے کسانیں تاکاں چہ شاہ ء لڑین بزاں یک تا دو انچ ساب کن ۔ ہمدا اے روتگ جنت ۔ ایشیا تو سمات ریک ملکاں یک جاہ کن ء بکش ء اے شش ہپتگ ء توکا زاہری کنت کہ رستگ ۔
|
|
Myrtus communis181 viewsمورت پُل انت
Mort Poll ant
اے ہنّی ء زاتیں درچکے مورتے بوہ سرد انت او وش انت اشیے تاکاں ھُشک کن انت او دُروشنت آرتے وڈا ھُورت کن انت او نُنّکا موش انت ۔
ادا مورت پُل انت
|
|
Pelican163 views
میش مُرگ
Mish Morg
میش مُرگ دُگنیا ءَ ہشت نسل است ، ایشانی وزن سے تاں پانزدہ کیلو بوت کنت ۔ سے میٹر اشیے دراجی انت ۔ اے دریاباری مُرگ ءِ کہ گیشتر ماھیگ شکار کنت ۔ بلوچستان ءِ دریائی ھند و دمگاں زمستان ءِ موسُم ءَ میش مُرگانی ٹوہیں رم کئیت ۔ اے یک مہاجریں مُرگ ءِ گرماگ ءَ واتر بیت ۔
|
|
Stone Breads133 viewsKaak, Korno
کاک یا کورنو
اے بلوچستان ءِ یک کوھنیں نمونگ انت کہ نان ءَ پچگ ادا گول ءُ گردیں گرم کتگیں سنگانی سرا تر کتگیں آرت ءَ پتاانت ءُ آس کش ءُ کراں ایر کن انت ۔ اے بووات ءُ بہ ورگ ءِ واستہ جاڈیک بیت ۔ اشیے تام باز وش ان ت۔
|
|
Squirrel148 views
Erdik
اردک
اردک یک کسانیں ھیوان ءِ ۔ اے گیشتر درچکانی سرا وتی میتگ جوڈ کنت ۔ او کشارءِ تاوان دنت ۔ اردگ باز ڈولدار انت سیاہ او اسپیتں رنگاں چہ رتکگ۔ بلوچاں گوشتگ کہ اردک ءَ ھڈ مان نیست ۔ پرچا کہ ٹوہیں مچّانی سرا دور کنت بلے پرواہ ءِ نہ بیت ۔ بلے چو نہ انت اردک وھدے دور کنت وتی دُمب ءَ پراہ کنت دُمب آیا چو پیراشوٹ ءِ وڈا زمین ءَ کاریت ۔ چمیشکا درد نہ بیت
Photo by M.A. Talpur
|
|
Half Dried Tree198 viewsDar Garr
دارگرّ
دار گرّ ھما ٹوہیں درچکانی سرشاہ کہ ھُشک بنت - تاک رچنت او شاہ مک بنت - جنگل ء توکا کپوت او شاتُل گیشتر دارگرّیں درچکانی سرا نندیت او کو کو کن انت
|
|
White chucked Bulbul's eggs339 viewskodo o haik
کُدو و ہیک
اے اکس پہ پجار ے واستہ ھیر بوتگ بلے مردمان پجار کنت واستہ تہمبُل نہ کنت۔ البت اے کدو ءُ ھیک کُلی ءِِ کدو ءُ ھیک انت۔ کہ زرروکے سرا انت۔
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
