| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,891 times |
|
|
240 viewsگیچن
Gichen
گیچن ہما اوزار ءَ گوش انت کہ آ ہورتیں چیزاں در دنت ءُ ڈلگیں چیزاں داریت، بلوچستان ءَ اے گیچین ءَ پہ آرت ءِ گیچگ ءَ کارمرز کن انت کہ آرت ءِ تہے ڈالیں چیزاں بزاں دان ءُ پُگان کش ات ۔
|
|
Swallow264 viewsپیپی پلستان
Pipi plistan
پیپی پلستان کسانیں بالی مُرگ ءِ کہ گیشتر وتی وھد ءَ پہ بال گوازین ات ۔ بال ءِ درگت ءَ پاتو ءُ بالو گپت وارت۔ بلوچستان ءِ باز ھنداں ایشارا بابیل ہم گوش انت، چونایا بابیل عربی لبز ابابیل ءَ زورگ بوتگ ۔ اے مدام چہ انسان ءَ نزیک ءَ ترو گرد کنت۔ ہم اگاں موہ براسیت لوگانی توک ءَ کدو بند ات ءُ ھیک دنت۔
|
|
A Oasis of Zamoran444 viewsZamoran e Machkadag
زامُران ءِ مچکدگ
مکران مچکدگانی جاہ انت ،بلے زامُران مذاتیانی جاہ انت ۔ مزّاتی ہما مچ انت کہ گوں وتی گران بریں سُہر گونگیں زنڈ دانگیں براں براہ دار انت ۔ اے اکس ءِ تہا مزاتی مچ کوہ ءِ دامن ءَ کتّار انت ۔
|
|
Cheese or Labneh ball126 viewsShillanch
شیلانچ
گردیں شیلانچ ءِ جوڑ کنگ بلوچ دودانی تہا است انت کہ دوگیں شیر چہ ورگ ءَ گیش بوتگ انت ۔ گڈا اشاں دوگ لہز داتگ انت ۔ گرد گرد گولکیں جوڑ کتگ انت تاپ داتگ ان ت۔ بلے لہڑ دیگ ءِ وھد ءَ کمک واد مان کتگ انت کہ کمے سور تام بنت ۔ اے وھدے کہ ھُشک بوتگ انت پدا ایر کتگ انت ءُ ہما وھدا نارُشت دوگیں لوگ ءَ نہ بوتگ گڈا اے شیلانچ چوپتگ انت ءُ آپ مان کتگ انت گوں نان ءَ نوش ءُ جان کتگ انت ۔ بلے مرچاں انچو ورانے ۔
|
|
Barracuda198 viewsKond
کُند
کُند بارگیں ماہیگ کہ گیشتر دریا توک ءَ آپ بُرزی نیمگ ءَ ترّوتاب کنت ۔ اے چو پاگاس ءَ وڈا جنگولیں ماھیگ ءِ ۔ کُند ءِ باز زات انت لہتیں است کہ 1٫8 میٹر دراج بوت کنت ۔
|
|
Goat128 viewsسیاہ پس
Seyah pas
ادا دو بُز ُ دو شنک انت کہ دویں بُز بستگ انت ءُ شنکاں میچین انت ءُ بُزاں کدیم کن انت ۔ پرچا کہ اے بیگاہ انت ۔
|
|
Crab166 viewsتگس ٹِکی
Tagas Tekki
اے تگس اسپیت انت بلے ٹک پر چمیشکا اشیا ٹکی گوش انت
اے تگس اَنت ، گیشتر تیابی ریامانی تہ ءَ زندگی کن اَنت ، ریام ھما سنگ ءَ گْوش اَنت کہ تیاب ءِ دپ ءَ یا تلگ آپ بزاں کمیں آپ ءَ ھست اَنت ءُ وھدے کہ آپ بیل بزاں پُر ءَ کئیت آ آپ ءِ چیر ءَ بنت،وھدے آلاڑ ءَ روت بزاں آپ پشت ءَ روت ھمے سنگ کہ ریام گْوشگ بنت ڈن ءَ گندگ بنت ۔ھمے سنگانی سر ءَ رُستگیں شنزکیں کاہ ءُ دگہ ساھدار تگسانی وراک ءُ وردن اَنت ۔ تگس ءَ چوش زیم ءَ دو پکڑ گْونگیں دست پر اِنت کہ گوں ایشاں ورگاں سند اِیت ءُ وارت تگس ءِ ھمے دستانی بند سک مھکم ءُ مُھر اِنت اگاں انسان ءِ گْوشت ءَ بہ بند اِیت گوں آسانی ءَ پچ کنگ نہ بیت ۔تگس ءِ دپ ءَ گْرادنت ءُ ور اَنت تگس باز وڑیں ھست ، گْوش اَنت کہ تگس ءِ دپ پہ کُلگ ءُ کْران ٹی ٹی ءَ مرسان انت ۔
منت ۔۔ قاضی ریحان
Pic by Akhtar Omar
|
|
Plantago boissieri {Isphagula}246 viewsDanichk
دانیچک
دانیچک کسانیں کاہ ء ماں بہارگاہء رودیت - اے درمانیں کاہے کہ پہ درمان ء ھاچت ء کارمرز کن انت ء - وھدے زمانگ ء دانیچکے دانگ ہورت ہورتا ساتگ انت آپ ء گونا تر کتگ انت و جنیناں وتی رستگیں سرا جتگ انت کہ دو دو ہپتگا سرے موداں رندگ نا لوٹتگ - بلے مرچاں اسپاگول نام ء سرا لاپ ء ریچگ و بند کنگے واستا کارمرز کن انت - کولسٹرول ء بیمار اگاں ہمک روچ دانیچک کارمرز بکنت آہے
|
|
|
|
Purslane74 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot143 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko65 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
