| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,905 times |
|
|
Sonchus asper267 viewsMakakorr
مکاکرّ
مکاکرّ یک بہر کاہے کہ جنگلاں رودیت - باز مردم بہاری کلمُو گوشنت - چونایا کلمُو وڑیں پُل پر کنت ۔ بلے تاک پرک است - اے ریکپادیں ہند و دمگاں ہم رودیت - اشیا سلاد ء پیما ورانت ۔ بلوچاں گوشتگ - ہم ہم او ریکی مکاکرّ کُپّو بیا کُپّو بیا۔۔۔۔ بزاں زوت کن مزن بو کہ ترا وریں ۔
|
|
Capparis Decidua150 viewsکلیر
Kalair
کلیر یک ٹوہیں درچکے - گیشتر ماں وڑ و گریشگاں رودیت - کلیر ڈولداریں پُل پر کنت - کلیر بر پرکنت برے ورانت و تامدارنت - منی ہیال ء اگاں ما کلیر ا میوہ بگوشاں رد نہ انت - پرچا کہ بلوچستانے جنگلی میوہ بزاں کوُنر، کنر، جگّر،کلیر و دگہ بازیں - کلیر دار ا لوگے منگ جوڑ کن انت کلیرے دارا زمین نہ وارت - کلیرے واستہ دو بتل نامدار انت
۱ لج نہ کنت کلیرا کہ بے تاکا بر کنت
۲ دار کلیر انت کہ منگہاں سے جاگہ پُروشیت
اُوے زیرّک بات کہ لیڑو ڈاچیگاں کوشیت
|
|
Sparrow and shadow 122 viewsجنگُل
Jengol
جنگل کسانیں بالی مرُگ کہ دگنیائے چاریں کُنڈاں است انت ۔ بلکنگ ءَ اے یکّیں بالی مُرگ انت کہ ہمگ جاگہ است انت ۔ ایشیے مادہ اسپیت دپیں ناسی رنگ انت بلے نر ناسی رنگ ءُ سیاہ اسپیت انت ۔ اے شانزدہ سنٹی دراج بیت ءُ وزن ءِ 24 تاں 39 گرام بوت کنت ۔ اے بالی مُرگ ترا شہراں، بازاراں ، گریشگاں، ریگستاں ءُ کوہاں ہرجاہ بود باش کنت ۔ اے چونایا ہمک دھل ءِ دان ءَ کاہ ءُ بالو کرم ہم گپت ءُ وارت ۔ بلوچستان ءَ ہم اے جنگول است انت ۔
|
|
Honey219 viewsبینگ
Binag
بینگ مکسک اے دُنیا ءُ جھان ءِ تپاک تر ءُ سائنٹیفک ساھداری۔۔۔۔۔۔۔۔۔۔۔۔۔۔۔۔۔۔۔۔
ترکمن سائنسدان ھارون تحییٰ گُشیت اے مکمل تپاکاں، بس یک بادشاھی ءِ پابنداں ،۔۔
بینگ ءِ مکسک ءَ ما سطحی چاریں، بلے ایشی ءِ رھبند ءِ بازیں سائنسی تل ءُ پیچ است اَنت۔۔
۔1 اے وتی ڈگنُک ءِ ٹُنگاں شش تکونی جوڑ کنت، چر ایشی ءَ ایشی ڈگنک جاہ کم گیپت ءُ شیرگ باز داریت۔ او باز مُھکم بیت۔ سائنسداناں بلاھیں بُرزیں ماڑیانی مِک کنگ ءَ چہ ھمیشی ءَ رھبری ھم زُرتگ۔ بزاں شش تکونی ماڑی باز مھکم بیت ءُ جاہ ھم کم گیپت۔
۔ 2اے گرماگ ءِ وھد ءَ وتی بانزلاں ائیر کنڈیشن ءِ کار ءَ گیپت، چر ایشی ءَ گرماگ ءِ سوچوکیں لوار ءَ ایشی ءِ ڈگنک رک ایت ءُ نہ کپیت۔۔۔۔
۔ 3اے وتی بینگ ءِ مُک ءِ ٹنگانی دپ ءَ یک انچیں کیمیکلے چہ پُل ءَ کشیت ءُ ایر کنت کہ ایشی ءِ بینگ ءِ ٹنگ ءِ دپ جھلیں بلے انگت شیرگ نہ رِچ اَنت۔۔۔۔۔
۔4 اے روچ ءِ رُژن ءَ وتی سمت ءَ گیشینت کنت ءُ گوات ءِ شیکاں چہ دومی مکسک ءَ ھال دات کن
منّت واجہ شپ چراگ
|
|
Withania coagulans180 views
Panir Bad
پنیر باد
بنیرباد یک اسپیت چکیں کسانیں درچکے کہ گیشتر ماں کوہاں رودیت - کسانیں دانگ پر کنت - اے دانگاں دو سے زورنت او یک رودے ذگریں شیرانی تہا مان کن انت پنچ و دہ منٹے توکا شیر بدانت او پنیر بنت، چمیشکا اشیے نام پنیرباد انت بزان پنیراں بادینی - اے اکسے توکا آیے بر زاہر انت -'
|
|
Aleppo Grass194 viewsGomaaz
گوماز
گوماز یک ڈالیں کاہے کہ کُچّگاں بگر تاں ریکپادین ہندو دماگاں رودیت - گوماز گیشتر گرماگی کاہے - تانسریں گرماگا سبز سبز بیت- بلوچستان ء توکا گوماز گیشتر بیلہ ء ہند دماگاں رودیت - تمپ ء نزّیکا یک میتگے نام ء گومازی انت - ۔
بلوچی پتل ء استیں -۔
من وتی گومازاں گوریزاناں
تو دگہ گومازی نگن پتکگ
|
|
Peafowl 'Peacock'138 views
مور اوُ تائوز
Mor or Tahoz
مُور بلوچستان ءِ مُرگ نہ انت بلےدان دانگے داشتگ انت ۔ اے بالی مُرگ ءِ اشیے باز زات انت بلے سبز ءُ شونز وڑیں ھندے مُرگ زانگ بیت ۔ نریں مور ءَ بلوچی ءَ کروس گوش انت ۔ اشیے دُمبی باز دراج بنت ، ءُ دمبی ءِ پُوٹاں تائوز گوش انت ، کہ باز ڈولدار انت ۔
|
|
Prosopis Cineraria209 viewsکہیر پدا مِنج انت
Kaheer pda Menj ant
وھدے کہور منج بیت- گُڈا چارگ کرزیت - باز ڈولدار اوبیت گیشتر شاہ و لمب ء لُوجان بنت - کہور ء گیشتر اُشتر چریت بلے سیاہ پس ہم کہورے ٹال و شنگراں وارت ۰ زمانگے مردوماں کہورے ھُشکیں شنگر وارتگ انت- بلے مرچاں کم ورانت ء - کہورے داراں لوگے سوُچگے زلورتاں پُورہ کن انت - لُوگے و کاپرے واستہ مناگ، تیر، لاپدار، چُکّو جوڑ کن انت - ڈنگراں چہ پل بندنت - بزاں کہورے ہچ چیز چگل نہ دینت
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
