| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,904 times |
|
|
Baloch Camal273 viewsHoshter
ھُشتر
یک زمانے بوتگ کہ بلوچاں ھُشترے سرا وتی لاپ درگیتکگ ، بلے مرچاں موٹلانی آہگا ھُشترانی کدر کم بوتگ - چمیشکا بلوچستانا ھُشترانی نسل کم بوّان انت - پرچاکہ ھپشترانی والینگ گران انت ھرکس پیلو کُت نہ کنت - اگان بلوچستان ھکومت ہمے وڈا برجاہ بہ بیت ھۃشترانی ہمراہیا پس و گوک ہم نسل بیگواہ بیت -۔
اے اکس یک کوانٹیں ھشترے کہ کُل ء دیما وتی بنجاہ ء بستگ -۔
|
|
Ziziphus, Berry97 views
پنسیں کُنر
Pensin konar
پنس کنر ءِ یک زات ءِ کہ گیشتر کوہ ءُ ڈرّان رود ایت۔ اے باز کنتگی بیت ءُ سرا سِر کپگ نہ بیت ۔ اے مدام بُنژءَ بُنژ انت ۔ اے گیشتر اکتوبر تاں جنوری بر کنت اشیے دانگ کسان انت بلے وشیں بوہ کن انت ءُ شیرکن انت ، ءُ گڈگ ہم مزن انت ۔ وھدے زمانگ ءُ مردمان پنسیں کنر چُپتگ ءُ دوگیں شیر مان کتگ انت کہ ایشانی تام باز وش بوتگ انت ، بلوچستان ءَ مرچی ہم ب
|
|
Mentha spicata156 viewsپُرچینک
Porchink
پُرچینک یک کسانیں کاہ ءِ بلوچستان ءَ گیشتر کوہستگ ءَ کشاورز کتگ۔ اے پہ دوا کارمرز کنگ بیت ۔ بلے بلوچستان پُرچینک گیشتر ھُشک کتگ بورینتگ ءُ ناہ ءَ مان کتگ انت ۔ مرچاں اشیا گیشتر سیاہ چاہ ءَ مان کن انت۔ اے چو پودینہ وڑین ات بلے اشیے تاک چرایا دراج تر انت ءُ تام ہم چہ پودینہ ءَ تامدار تر انت ۔
|
|
Wild Tortoise 175 viewsکسیپ
Kaseep
کسیپ دو زات انت ۔ یک ءِ آپ ءَ زند گوازین ات ءُ دومی ماں جنگل ءُ کوہ ءَ زند گوازین ات ۔ اے جنگلی کسیپ انت اے گیشتر کوہ ءُ گٹاں دست کپیت ۔ اے گیشتر وھداں ھونڈاں انت ءُ باز کم وھداں ڈن ءَ درکیت ۔ چونایا اگاں ھور بہ بیت تو اے درگت ءَ تر و تیاب زیات کنت اے کم کم ءَ رودیت ءُ شست تاں ہشتاد سال زند گوازینت کنت ۔
|
|
chestnut-bellied Sandgrouse and checks127 views
لکرک ۔کٹنگرءُ چُرو
Lekerik or katangar o Choro
لکرک یک میانی بالی مرگے کہ نیم کیلو آیے تور انت - بلوچستان ء ڈلپادیں ریکپادیں او بندگاہاں ترّ و تاب کنت - لکرک روچے یک رندے آپ کنت ، زمستان ء سہبے 10 چی 11 بلے گرماگ ء سہب ءِ 9 چہ 10 ء کوراں شیپاں بندگاہانی کابیلاں آپ کنت - آپ ء روگے وھدا ایشانی یک ٹولی یکجاہ بیت او آپ کنگا روت - آواز ہم دےان انت - لکرک ڈولداریں مرگے
|
|
Grapes Tree135 viewsAngoor e drachk
انگور ءِ درچک
بلوچستان ءَ انگورے درچک کش انت ءُ ایشانی ثمراں بہا کن انت ۔ بلے انگورے کش اگ تنیگا نزان انت ۔ اے انگورے درچک انت من کشتگ ءُ من اشیا زمین ءِ سرا نہ واپینتگ بگندے من اشیا مک کتگ بزاں ہوشتارینتگ ۔ انگورے درچکان اگاں تو چو ول ءِ وڑا واپین ءِ تاں اے شر بر پر نہ کن انت ۔ اشاں تو چو ایدگہ درچکانی وڑا مک بکن بزاں ہامودے وڑا تچک ءُ شش چہ دہ فُٹ بہ گڈ ات تنکہ ہما جاہ شاہ لمب بہ بیت ۔ دگہ آئی کنٹ بزاں ماتیں دار ءَ ہچ وڑیں جمل جنگ مئییل ات ۔ اے وھدے کہ برز بیت ءُ شاہ ءُ جمل یک ءُ دو فُٹ اندرا بہ بنت ۔ پنچ چہ دہ شاہ ءَ گیشتر مہ بنت ۔ وھدیکہ انگور شاہ ءُ لمب بیت ہمک سال فروری ءِ گڈسرا ااشیے شاہ بہ چن بزاں شاھاں گوڈ ۔ بلے نوکیں شاہ جنت نوکیں شاھانی ہمرائیا آ بور ءُ بر بزاں سمر پر کنت ۔
|
|
Launaea capitata116 viewsریکی آلکو
Reki Aalako
آلکو یک بہار کاہ ات کہ بلوچستان ءِ ریکانی تہا رودیت ۔ ایشیا بلوچ ورانت بزان چو سلادے وڑا کار مرز کن انت ۔ ادا جاڑی انت ۔
|
|
127 viewsپرپُک
Parpok
پرپُک بلوچستان ءِ ڈولدار تریں پُلاں چہ یک ءِ ہمے وڑا اے یک ڈولداریں پُل ءِ ۔ ہمے وڑا اے یک مہکیں ءُ ساھگ داریں درچک ءِ۔ اے زردیں پُل پر کنت کہ عجب بے مٹ ءُ بے درور انت۔ اشیے دار ہم مُہکیں دارے کہ بلوچاں کار گپتگ انت۔
شاعراں پرپُکے پُل ءِ نازُرکی گوں وتی مہگونگے نرم
نازرکیں گُلاں تشبیع داتگ انت۔
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
