| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,904 times |
|
|
Potronk143 views
Potronk
پُترونک
پترونک یک شرّین ءُ زیب داریں کاہ ئے ،،اے کاہ ءِ موسم بہارے موسم اِنت ۔ ھور سالی ءَ کہ بھار میچے ھور بنت ، گُڈا ھما دمگاں کہ مدام ،،پُترونک ،،بیت ، گُڈا ھمے جاہاں پُترونک رودیت ۔پترونکے دگہ یک شرّی ئے اش اِنت کہ اشہ بُن ھچ نہ مریت، پُترونکے بُن چو کسانیں شلغم ءِ بُنڈ ءَ اِنت ، بلے پُترونک ءِ بُنڈے پوست سیاہ اِنت ،پترونکے بُنڈءَ اگہ کسے در بکنت ، یک جاھے بکشیت دومی سالءَ ھمے بُنڈ پدا تاک بیت ،، پترونک بس چار ءُ پنچ تاک جنت ، سک وشءُ تامدار اِنت ، یک مردمے پترونکے کم چہ کم کیلوئے ءِ اندازہءَ وارت کنت ، پترونک زیادہ چہ زیادہ 15 روچ سبز بیت ، پدا گلّونٹ جنت ، چہ گلّونٹ ءَ پد زرد پُلّ بیت ، پترونکے پُلّ سک زیبدار اِنت ،ءُ سکّیں وشبوئیں پّلّے ،چار ءُ پنچ روچءَ رند پُلّ گیمریت ءُ ھمے پُلّے تہے براں گوات بارت ، پدا دگہ سالے ءَ ھمے بر ھم رُدنت ۔پترونک زیادہ بلوچستان ءِ لہتیں دمگاں بیت ، ۔ پنجگور زیاد بیت ۔ پروم نگور کاٹگری پلنتاک زعمران بلیدہ واشُک دگہ باز ھنداں پترونک بیت ،
چمشانک ءِ مننت ۔۔ واجہ ساچان بلوچ
|
|
Rose148 viewsاسپیتیں گلاب
EispiteN Gulab
گلاب کسانیں بوٹگ ءِ کہ اشیے صد زات انت ہمک ءِ وتی کردار ءِ است ، چونایا گلاب کسانیں کنٹگی درچک ءِ کہ نرم ءُ نازُرکیں پُل پر کنت ءُ وتی پُلانی وش بوہی ءَ باز نام دار انت ، گلاب ءِ توک ءَ انچیں زات است کہ ہپت میٹر ءَ دراج بنت بزاں چو ول ءِ وڑا سر کپ انت ۔ بلے گلاب ءِ اے وڑیں زات است چو پٹکیں سول ءِ وڑا بُج بیت ۔ ہمے وڑا ایشانی پُلانی تب وڑ ءُ پیماں ہم باز پرک است ، درستیں گلاب وشیں بوہ ہم نا کن انت، بلے گیشتر وشیں بوہ کن انت ۔ گلاب ءِ پُل ءِ ہمے وڑا بوہ وش انت ہمے وڑا آئیے رنگ دروشم ہم ڈولدار انت ۔
|
|
Needle 133 viewsگوندوچ
Gondoch
گوندوچ ہما مستریں سُچچن انت کہ چرایا گون دوتکگ انت ۔ چمیشیا نام ء گون دوچ نام کپتگ ۔ گون ، اُرجین، نپاد ء رٰلی ء جامگداں ءُ دگہ ڈالیں چیز دوتکگ انت ۔ اے چہ سُوچن ء باز مزن تر انت ۔ مرچی ہم گوندوچ ء الکاپی سرا کار بند انت ۔
|
|
Suaeda aegyptiaca100 views
Simsor
سمسور
سمسور کسانین بوُٹگ ء کہ گیشتر ماں سُوراگیں جاہاں رودیت - اشیے تاک نلُک انت چہ آپا پُر انت - وھدے کہ کسان بیت گُڈا مردم اشیا چوُ سلادے پیما ورنت ء - کمّے سُور تام انت بلے وراگ ء وش انت
|
|
Landscape of Balochistan496 viewsBalochistan e Nadarag
ندارگ
روچے سر، یک بست بزاں ڈگارے نام انت - اے کوہ ہم روچے سرے نامے سرا نام کپتگ - وھدے کہ تو ادا ہوشتے گڈا ترا ناصرآباد او للین ء مچکدگ وش گندگ بنت بلے مرچی باندا اے تچکیں راہ ڈیم ء آپا بُکّینتگ -
|
|
182 viewsگرَنچن
Granchin
گرنچن یک کاہ ءِ کہ ڈللپادیں ءُ ڈگارواں ءُ آزمان گندیں ڈگاراں ردیت۔ اے چو شینز ءِ وڑا انت ءُ ہمک چاہ کہ کپیت پدا ہمدا جمل ءُ شاہ جنت ءُ کشکا بیت ۔ اے باز ڈولدار انت ءُ ہم نیمگا ھُنڈال ءُ روتگ جنت ہمگ نیمگ ءَ چو گرنچ ءِ وڈا بندات بیت چمیشکا ایشیارا گرنچی گوش انت ۔
|
|
.Spotted flycatcher194 viewsسیچُک
Sechchok
سیچُک کسانیں بالی مرگ ، روچ ایر شتی ایشیا ءُ یوروپ ءِ جہمنندیں مُرگ ءِ بلے زمستان ءَ وتی جاگہ ءَ بدل کنت ءُ افریکہ روچ دراتکی ایشیا ءَ پناہ زوریت، اے پچییں درچکانی ءُ دیوالانی سرا کدو بند ایت ءُ چار چہ شش دانت ایک دنت ، اے گیشر کرم ءُ کٹگ ءُ بالواں چہ وتی لاپ ءَ درگیج ات۔ اے یک جاہ کہ عادت کنت مدام ہمے یکیں چاہ ءَ نند انت ءُ شکار کنت، بلوچ اشیارا شکارجاہ گوش انت ۔ اے وھدے زمانگ ءَ بلوچاں بٹ ءِ سرا سیچُک گیپتگ انت۔
|
|
Ziziphus, Berry129 views
پنسیں کُنر
Pensin konar
پنس کنر ءِ یک زات ءِ کہ گیشتر کوہ ءُ ڈرّان رود ایت۔ اے باز کنتگی بیت ءُ سرا سِر کپگ نہ بیت ۔ اے مدام بُنژءَ بُنژ انت ۔ اے گیشتر اکتوبر تاں جنوری بر کنت اشیے دانگ کسان انت بلے وشیں بوہ کن انت ءُ شیرکن انت ، ءُ گڈگ ہم مزن انت ۔ وھدے زمانگ ءُ مردمان پنسیں کنر چُپتگ ءُ دوگیں شیر مان کتگ انت کہ ایشانی تام باز وش بوتگ انت ، بلوچستان ءَ مرچی ہم ب
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
