| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,905 times |
|
|
Crested Lark179 viewsBolly
بُلّی کسانیں مُرگے کہ گیشتر ماں کشاورزیں ڈگارانی ھند و دمگاں گندگ بیت - بُلّی ء باز جاہ ء چڑ بُلّی ، بُلّی چڑول ہم گوشنت - بُلّی اگاں ایوک بی بیت گڈ بُرزگیے سرا نیندیت او الہان کنت - اشیے آواز باز دوستناک انت - سُہبانی سرا ڈگارانی سرے وپتگیں مردمان چہ واب ء گوں وتی الہان ء پاد کنت ادا بُلی ءِ ہیک انت ۔
|
|
Life of Baloch277 viewsبلوچ ءِ زند
Baloch e zend
بلوچ ءِ زند گیشتر ماں مال چارینی ءَ گوستگ ، بلے مرچی ہم اے بلوچ ساربانی کنت وتی لوگ ءِ ھرچ ءَ درکنت۔ آ روچ پہ بلوچ ءَ کدی کیت کہ آسودگیں رزق ءِ دست بہ دنت ۔
|
|
Corchorus olitorius 159 viewsآشکاہ
Aash kah
بلوچستان ء کشاریں ڈگاراں رودیت - اے کلپرے زاتیں بلے سالے دوازدہیں ماہاں سبزاچک انت - اشیے تاکاں سر چن انت نارُشت جوڑ کن انت - او باز ے سر چتگیں تاکاں تاپ کن انت ، وھدیکہ ھُشک بنت ساھنت او ھورت او آرت ء کن انت او گرادنت ء ۔ اشیے نارُشت بز بز انت او تام دار انت -۔
بنگال ءَ اشیا آپ ءَ کن انت ءُ سُتلی جوڑ کن انت ۔ کہ چہ سُتلی ءَ چہ گونی جوڑ کن انت ۔
|
|
Typha angustifolia114 viewsکُل
Koll
کُل چونایا کاہ ءِ ۔ اے گیشتر کوراں ہما جاگہ رودیت کہ اودا لچ ءُ مین باز بہ بیت ۔ نہنگ ءَ وھدے زمانگ ءَ کل باز بوتگ او کُلانی توک ءَ لدی ءُ دگر رستراں جاگہ کُتگ ، بلے مرچی باندا کم انت نوں میرانی ڈیم ءَ چہ باز جاگہ کُل رستگ ۔ بلوچاں کُل روتگ او سر ءُ بُن کتگ انت او وتی لوگانی سرا داتگ انت کہ ھور مریچ انت ۔ بلے درمُلک ء مردم کُل ءپُل ءِ دار کہ ترند انت زرتگ او سپت او ٹوکری جوڈ کتگ کُرشی ءُ ٹیبل جوڈ کوتگ بلے بلوچ تنیگا انچو نزان انت ۔
|
|
Male Date palm189 viewsگونش پپُک انت
Gonsh papok ant
مچ ءَ گونش کن انت گڈا مچ بندیت ءُ پپُک ءُ ناہ دانت ، بلے گونش ادا پینّگ انت ، گونش ءَ ناہ بوّگے واستہ چے کنگ لوٹ ات؟
|
|
143 viewsکوہی بوُد
Kohi Bod
کوہی بود یک کسانیں درچک ءِ گیشتر کوہانی دیماں رودیت ۔ کوہی بود ءِ درچک کسان بیت ءُ ءُ گیشتر وھداں اشیا تاک پر نیست ۔ بلے گرماگ ءَ کسانیں تاک تنک تنک ءَ پر کنت ۔ اشیے کنٹ ءَ کم ءِ ٹپ کن انت چریشیا اے درچکے کنٹ ءَ چہ سُسُر پر کنت ۔ اے سُسُر ءَ وھدے زمانگ ءَ ھُشترے ریش ءَ دوا ءِ پیم ءَ پر کتگ انت ۔ کوہ بود ءِ سُسُر لوگ ءَ ایر بہ بیت گڈا لولوک لوگ ءَ نہ روانت ۔ پرچا کہ کوہی بود ءِ بوہ تُرند انت ۔
|
|
Sun Halo117 viewsRoch jowwan
روچ جُوًان
ما باز رند ءَ ماہ دیستگ کہ گرد گردیں روژنائیانی تہا بند انت ۔ بلوچاں گوشتگ کہ ماہ جُوًان انت ۔ بزاں اے سال یک آبادیں سال ءِ بیت ۔ بزاں ہور ءُ بہار گاہ کشت کشار وڑ وڑیں چیز بیت ۔ بلے گوستگیں روچاں روچ ہم ہمے پیم گندگ بوتگ ۔ پاکستان مردم ہمے گوش انت کہ اے ماہ ءُ روچ ءِ مُندریک انت ۔ بلے چونایا وھدے کہ آزمان ءَ جمبر باز بیت بلے ہما جمبر برپ ءِ کرسٹل جوڑ بہ بیت گڈا زمین ءِ مردم ہنے گند انت کہ روچ یا کہ ماہ دیم گرد گردا رژن گندگ بیت ۔
|
|
Coconut205 viewsکوپڑا , نالگ
Kopada , Nalag
کوپڑا اے ھندے درچکے کہ اشیارا پہ مسالہ کارمرز کن انت ۔ مرچاں دگنیا چہ اشیے ٹیل ءَ پٹرول جوڑ کنگا انت ۔ بلے بلوچ اشیے ٹیل ءَ چہ وتی سراں چرپ کن انت او کپپو ءَ ورانت ۔ ھندے توکا کپپو ءَ درش انت نارُشتاں کارمرز کن انت او ٹیل ءَ چہ نارُشت ءُ سرا چرپ کن انت ۔ بلوچستان اے تیاب دپی ھنداں کوپڑا کش انت ۔ بلے ہمک مردم وتی زلورتانی کارمرز کنت ۔ اگاں کوپڈا ءِ باگ دشت ، نلینٹ ، کلمت ءِ ھند ءُ دمگاں جوڑ کنگ بہ بیت ننکہ بلوچستان ءِ کوپڑا ءِ زلورتان پیلہ کنت بلکیں کوپڑا برامد کُت کنت۔ بلے اے کارانی واستہ شرریں منسوبہ جوڑ کنگ لوٹ ات ۔
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
