| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,907 times |
|
|
Maerua crassifolia247 viewsجُگر
Jogr
جُگر چونایا نیبگ ءِ اے افریکہ ءُ عربستان بزاں مڈل ایسٹ ءِ ھند ءُ دمگاں رودیت ۔ اے یمن ءَ مزنیں پیما رودیت ۔ ایشیا عربی ءَ میرو گوش انت ءَ افریکہ ءَ جیگا گوش انت ءُ بلوچی ءَ جُگر ءِ گوش انت ۔ ایشیے براں ورانت ءُ درچک ءَ ہُشتر چر انت ۔ اشیے پُل ہم باز ڈولدار انت ۔ اے بلوچستان ءِ بازیں ھند ءُ دمگاں است انت ۔
|
|
Dragon Fly196 viewsPerrik
پرّک
پرّک بلوچستان ء است بلے چُنت زات او چنت رنگ انت اے باز گرانیں گپ ء دگہ ملکاں پرّک او مُلاھُکانی زات او زُریات نام گشینتگ انت - بلے بلوچستان ء تنیگا چُشیں آسرات نیست کہ اے تک ء ھیال گور کنگ بہ بیت ۔ کسانیں زھگانی دلچسپی واستہ اگاں مارا گیشتر پرّک او مُلاھُک دست بہ کپیت گڈا ما نام ء ہم پر کنیں ۔ پرّک ء سرا دو گپ یا دو بتل است چوش کہ؛
مدگ ء نشانی پرّک انت ۔
بگر ڈے پرّکا ۔ ۔ ۔ ۔ ۔ ۔ ۔ ۔
|
|
Green Tea112 viewsسبز چاہ
Sabz Chah
سبز چاہ چونایا کِک ءِ زاتیں کاہ ءِ ۔ اگاں تو بگوش ءِ کہ اے گریبانی چاہ تاک انت ، پرچا کہ مرچاں بلوچستان ءَ اے سبز چاہ ءَ کشت ءُ کشار کن انت ۔ اشیا زورنت رون انت ءُ ھُشک کن انت درپان کن انت ، وھدے ھاجت ءَ کارمرز کن انت۔
|
|
Proso Millet155 viewsارزُن
Arzon
ارزُن یک دھل ءِ کہ بلوچستان ءَ اشیے کشاورزی بیت ۔ اے کسانیں کاہے کہ ھوش پر کنت ءُ ھوش چہ دان ءَ پُر بنت ۔ چونایا دنیائے توک ءَ نوہ زات ءِ ارزُن است کہ آھانی دان ءِ رنت چہ اسپیت ءَ بندات بیت چہ پُہتہیں سیاہ ءَ روت ۔ بلے بلوچستان ءَ زرد ءُ سہُریں ارزُن کش انت ۔ وھدے زمانگءَ ارزن ءَ دان درُشتگ انت ءُ نان جوڑ کتگ انت۔ بلے مرچاں ارذُن نان جوڑ نہ کن انت ۔ ارزن تمکار ءَ چہ رند کش انت، بزاں اگاں ھور چہ موسُم ءَ پدی بہ بنت گڈا بلوچ وتی ڈگاراں ارزن کش انت۔ چیا کہ ارذن زوت دان بیت۔ ارزُن ءَ گرماگ ءِ ھلاسی ءَ ہم کش انت ، بزاں سال ءِ دو رندا ءَ پاگ دنت۔
|
|
Pea. Pisum sativum124 viewsمٹر
Matar
مٹر یک زمستانی دھل ءِ کہ سال ءِ یک رندے کشار دنت ۔ مرچاں مٹر دگنیائے چاریں کنڈاں دست کپیت بلے چونایا اشیے روتگ بزاں کوہن تریں چاگہ دریائے نیل ءِ کش ءُ گواراں چیا کہ ادا اشیے نشاں چار ہزار ءُ پنچ سد سال چہ پیش مسیح دست کپتگ انت ءُ ھند ءَ اشیے دو ھزار پنچ سد سال پیش مسیح نشان دست کپتگ انت ۔ اے سبزی ءِ ءُ اشیا ھرچ وراگ ھور مان کن انت ۔ اے باز تامدار ءُ طاقت دیوکیں سبزی ات ۔
|
|
Potronk131 views
Potronk
پُترونک
پترونک یک شرّین ءُ زیب داریں کاہ ئے ،،اے کاہ ءِ موسم بہارے موسم اِنت ۔ ھور سالی ءَ کہ بھار میچے ھور بنت ، گُڈا ھما دمگاں کہ مدام ،،پُترونک ،،بیت ، گُڈا ھمے جاہاں پُترونک رودیت ۔پترونکے دگہ یک شرّی ئے اش اِنت کہ اشہ بُن ھچ نہ مریت، پُترونکے بُن چو کسانیں شلغم ءِ بُنڈ ءَ اِنت ، بلے پُترونک ءِ بُنڈے پوست سیاہ اِنت ،پترونکے بُنڈءَ اگہ کسے در بکنت ، یک جاھے بکشیت دومی سالءَ ھمے بُنڈ پدا تاک بیت ،، پترونک بس چار ءُ پنچ تاک جنت ، سک وشءُ تامدار اِنت ، یک مردمے پترونکے کم چہ کم کیلوئے ءِ اندازہءَ وارت کنت ، پترونک زیادہ چہ زیادہ 15 روچ سبز بیت ، پدا گلّونٹ جنت ، چہ گلّونٹ ءَ پد زرد پُلّ بیت ، پترونکے پُلّ سک زیبدار اِنت ،ءُ سکّیں وشبوئیں پّلّے ،چار ءُ پنچ روچءَ رند پُلّ گیمریت ءُ ھمے پُلّے تہے براں گوات بارت ، پدا دگہ سالے ءَ ھمے بر ھم رُدنت ۔پترونک زیادہ بلوچستان ءِ لہتیں دمگاں بیت ، ۔ پنجگور زیاد بیت ۔ پروم نگور کاٹگری پلنتاک زعمران بلیدہ واشُک دگہ باز ھنداں پترونک بیت ،
چمشانک ءِ مننت ۔۔ واجہ ساچان بلوچ
|
|
Abnormal Date166 viewsپینگ
Pinnag
پینگ ءِ پوگس انت ۔ پینگ چہ مچ ء گنش برابر مہ بیت ۔ مچ پینگ بیت بزان یک سرُمپگ ءَ دو سے دانگ پپُک پر بیت ۔پینگ ءُ گڈگ مان نیست ۔ ءُ پینگے ناہ تام دار نہ انت ۔ بلوچستان ءُ مدام پنگ ءَ بُر انت ءُ پساں دینت ۔
|
|
Pomegranate139 viewsAnaar
انار
انار یک میوہ ات کہ گیشتر گرماگے ھلاسی او زمستان ء اول سرا پا ورگ ء جاڈی بیت - انار پُل او انارے گروہگ گیشتر بلوچ شاہراں پہ جنک ء شرّنگی ء تشبیح داتگ انت - بلوچستان انارے واستہ وش تبیں موسُم دنت - مکران ے برزی ھنداں بگر تاں سراوان تاں توران اے انارے ردوما باز جوانیں ھند و دمگ انت - انار سُہریں گروھگے توکا سُہریں شیرکنین او تُروپشیں دانگ مان - انار کہ گیش بنت گڈا ایشان تاپ کن انت او اناردانگ جوڈ کن انت - آیے پُوستا چہ بندگ او پژم رجنت - انار دلے نادراہ اے علاج انت -۔
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
