| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,891 times |
|
|
Salsola vermiculata237 viewsPozhzho
پُژو
اے کسنیں بوٹگے - وھدے کسان بیت گڈا اشیے کاھُک جوڑ کن انت - کسان بیت دلوت ہم چرانت بلے مزن او پیر بیت ایوکا اُشتر ع چریت -۔
|
|
Mustard219 viewsTeel Kaah
ٹیل کاہ
ٹیل کاہ کسانیں کاہ ء - بلوچستان ء ٹیل کاہا چوشیں ھاسیں نیادی نیست - بلے چونایا ٹیل کاہا چہ زھریں ٹیل جوڈ کن انت او آیے دانگ ء چہ مسالہ جوڑ کن انت - ٹیل کاہ کشار کتگیں ڈگاراں رودیت آیے تاکاں چو سلاد ء وڈا ورانت ٹیل کاہ ڈولداریں پُل پر کنت
|
|
BALOCHI TENT385 viewsGedaan Ya Gedaam
گدان یا گدام
وھدے ذمانگ ء بلوچستان ء جہمنندیں مردم گیشتر مالدار بوتگ انت - مال
چارینیے ھاترا پٹ و میداناں بیابان و کوہاں گدان منڈینتگ انت - مرچی ہم بلوچ گون وتی کوھنیں دروشم و دود و ربیدگاں وتی گدانانی تہا آباد انت - بلے مرچی بلوچ وتی مستر وت نہ انت - ھم ء سوب انت کہ ایشانی سرا باز برا اْرش بوتگ انت گدان مانداشتگ انت دلوت پچ گرگ بوتگ انت پرچا کہ واجہ کار ایشاں سرمچار لیکت
|
|
Fishing net169 viewsماھور
Mahour
ماھُور بزاں دام چہ ریشمیں بندیک ءَ جوڑ بیت ۔ دام ءَ چمّگ پہ ماھیگ ءِ کساس ءَ جوڑ کن انت۔ کسانیں ماھیگانی واستہ گونڈیں چمّگ ءُ ٹوہیں ماھیگانی واستہ مزنیں چمّگ ماھور ءَ پر کن انت تنکہ ماھیگ ہمے چمّگانی تہا بہ گپّیت ۔ بلے اے ماھور پلاسٹیک ءِ بندیک ءَ جوڑ کتگ کہ دگنیائے توک ءَ اے پی ماھیگ ءِ شکار ءَ اسل ءَ چہ منع کتگ ۔ بلے بلوچستان یکین ھند انت دگنیائے توک ءَ ادا پلاسٹک بندکانی سرا ماھیگ شکار کن انت ۔ ریشمیں بندیک ءِ ماھورے ماھیگ چہ چمّگ دربیئیت پدا زندگ ءُ سلامت بیت بلے پلاسٹیک بندیک ءِ ماھیگ ٹپّی بیت ءُ مر ایت ۔ چمیشکا دگنیائے توک ءَ پلاسٹیک بندک ءِ ماھورنیست ، بلے بلوچستان ءَ اِرّاں بوستی انت ، تو ھرچی کنے جائز انت ۔
|
|
Crab156 viewsتگس
Tagas
اے تگس اَنت ، گیشتر تیابی ریامانی تہ ءَ زندگی کن اَنت ، ریام ھما سنگ ءَ گْوش اَنت کہ تیاب ءِ دپ ءَ یا تلگ آپ بزاں کمیں آپ ءَ ھست اَنت ءُ وھدے کہ آپ بیل بزاں پُر ءَ کئیت آ آپ ءِ چیر ءَ بنت،وھدے آلاڑ ءَ روت بزاں آپ پشت ءَ روت ھمے سنگ کہ ریام گْوشگ بنت ڈن ءَ گندگ بنت ۔ھمے سنگانی سر ءَ رُستگیں شنزکیں کاہ ءُ دگہ ساھدار تگسانی وراک ءُ وردن اَنت ۔ تگس ءَ چوش زیم ءَ دو پکڑ گْونگیں دست پر اِنت کہ گوں ایشاں ورگاں سند اِیت ءُ وارت تگس ءِ ھمے دستانی بند سک مھکم ءُ مُھر اِنت اگاں انسان ءِ گْوشت ءَ بہ بند اِیت گوں آسانی ءَ پچ کنگ نہ بیت ۔تگس ءِ دپ ءَ گْرادنت ءُ ور اَنت تگس باز وڑیں ھست ، گْوش اَنت کہ تگس ءِ دپ پہ کُلگ ءُ کْران ٹی ٹی ءَ مرسان انت ۔
منت ۔۔ قاضی ریحان
|
|
Garlic190 viewsسِیرک
Serk
سِیرک پیمازے زاتیں یک سبزی ءِ ۔ ایشیا پہ نارُوشت ءِ وشتامی ءَ پہ مسالہ ءُ بزر ءِ جاگہ ءَ کارمرز کن انت ۔ سیرک ءَ پہ تہلگ ہم کار مرز کن انت ۔ اے میانی ایشیا ءَ شش ھزار سال انت کہ کارمرز بوّگا انت ۔ سیرک ءَ تُوم ہم گوش انت ۔ ایشیے تاک ءُ بُن دویں کارمرز بنت ۔ مرچاں دل ءِ بیماراں گیشتر سیرک کارمرز کنگ ءِ سکین ءَ دیینت ۔
|
|
Hyacinth Bean199 viewsWaloor Poll ent
والور پُل انت
والور چونایا یک دھل ءِ ۔ بلے بلوچستان ءِ کوھنیں دھل ء نہ انت - بلوچستان مرچاں والور کشاورزی کن انت - والور درچکے نہ انت بلکنگا یک ولّ ات کہ وتی برجاہ دارگ واستہ درچک او داراں سر کپیت - والور ماک ءِ وڑیں اسپیت او جمو پُل پر کنت کہ باز ڈولدار انت ۔ والور کوسرک پر کنت کہ سبزی جوڑ کن انت ۔
|
|
DRIED MEAT467 viewsTebahig
تیباھگ
تیباھگ بلوچستان ء عید ے براک ء سراتکگیں گوشت انت کہ ایشاں انار دانگ و واد پر کتگ بُرزیں جاہا درانج انت کہ ھشک بہ بنت - مرچاں تیباھگ باز کم جوڑ کن انت چیا کہ مرچاں سردانہ است ء بلے اے اکس بلوچستان ء مال چارینوکانی کہ مزنیں عیدے درگت ء قربان کوتگیں براکانی گیشیں گوشت انت کہ تیباھگ جوڈ کتگ انت - اے اکس گوڈیدر ناصرآبا د ذبت کنگ بوتگ
|
|
|
|
Purslane74 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot143 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko65 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
