| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,905 times |
|
|
White Chick Bulbul161 viewsکُلی
Koli
کُلی بزاں بُلبُل کسانیں بالی مُرگ ء کہ بلوچستان ء درچک دارانی، کشارانی، باگ و پُلّانی، اوبہارانی زینت انت - کُلی وتی ہمراہ ء جدائی یا باز دلسوزیں پریاد کنت - بلے بہار او پلانی توکا آشقی الہان کنت کہ کہ ھمک عاشق ء وتی نیمگا دلگوش گور کنائین ات - ۔
|
|
Mangrove128 viewsتمر
Temir
تمر یک تیاب دپی درچکے ، کہ گیشتر ماں سوریں دریا ئے رودیت کہ اُودا آپ تلگ بہ بیت ڈل وُ ڈوُک مہ بیت بلکن لچ وُمین بہ بیت - تمر جنگل گیشتر آپ ء انت چمیشکا ماھیگ گیشتر تمر ے روُتگ، ہُنڈالانی کش وُگواراں ھیک دیینت - بُرزا دریاہی مُرگ چُک وُبر کن انت، دُگنیا ئے توکا درچک بازیں بلے تمر چاگرد بزاں ماحولیات باروا شرتریں درچک زانگ بیت - سُومیانی ء تمرانی ٹوہیں جنگلے آباد ے - مکرانے تیابدپاں باز جاہاں تمرے جنگل آباد انت - مارچ وُ اپریل ء تمر بُر بیت - بُرّے درگتا وشّیں بوہ کنت
|
|
Jellyfish214 viewsآپو
Aapo
آپو یک دریائی ساہدار ءِ ۔ اے چہ گونڈیں دریاہاں بگر چہ مزنیں ءُ جُہلیں آپاں بیت۔ اشیے 30000 سی ہزار نسل است ۔ اے جاگہ جاگہے وشیں آپاں ہم است انت ۔ اے یک کوہیں آپی ساہ داراں زانگ بیت۔ چونایا اے گیشتر تیابدپاں موجود انت ۔ اے حیوانی اعضاء ہم است انت ءُ لہتیں نسل ءَ بیست ءُ چار چم ءِ پر ۔ بلے ایشاں ہُرتگندانی سرا گندگ بنت ۔ آپو زھریں ساہدارے اگاں تئی جان ءَ بڈوکیت یا ٹچ بہ بیت تئی جان ھارشت دنت ہنچو سما بیت کہ تئی جان کنٹگ لگگگا انت۔ آسٹریلیائے آپو اگاں ترا ٹچ بہ کن انت ترا الم ءَ ڈاکٹرا روگ لوٹ ات۔ نا تئی زندگ بوّگ گارنٹی نہ بیت۔ بلوچستان ءِ تیاب دپاں ترا باز دست کپیت بلے گیشتر موسم ءِ ِ وھد ءُ پاساں کاہنت۔ مدامی دست نہ کپ انت ۔
|
|
Potronk280 viewsPotronk
پُترونک
پترونک یک شرّین ءُ زیب داریں کاہ ئے ،،اے کاہ ءِ موسم بہارے موسم اِنت ۔ ھور سالی ءَ کہ بھار میچے ھور بنت ، گُڈا ھما دمگاں کہ مدام ،،پُترونک ،،بیت ، گُڈا ھمے جاہاں پُترونک رودیت ۔پترونکے دگہ یک شرّی ئے اش اِنت کہ اشہ بُن ھچ نہ مریت، پُترونکے بُن چو کسانیں شلغم ءِ بُنڈ ءَ اِنت ، بلے پُترونک ءِ بُنڈے پوست سیاہ اِنت ،پترونکے بُنڈءَ اگہ کسے در بکنت ، یک جاھے بکشیت دومی سالءَ ھمے بُنڈ پدا تاک بیت ،، پترونک بس چار ءُ پنچ تاک جنت ، سک وشءُ تامدار اِنت ، یک مردمے پترونکے کم چہ کم کیلوئے ءِ اندازہءَ وارت کنت ، پترونک زیادہ چہ زیادہ 15 روچ سبز بیت ، پدا گلّونٹ جنت ، چہ گلّونٹ ءَ پد زرد پُلّ بیت ، پترونکے پُلّ سک زیبدار اِنت ،ءُ سکّیں وشبوئیں پّلّے ،چار ءُ پنچ روچءَ رند پُلّ گیمریت ءُ ھمے پُلّے تہے براں گوات بارت ، پدا دگہ سالے ءَ ھمے بر ھم رُدنت ۔پترونک زیادہ بلوچستان ءِ لہتیں دمگاں بیت ، ۔ پنجگور زیاد بیت ۔ پروم نگور کاٹگری پلنتاک زعمران بلیدہ واشُک دگہ باز ھنداں پترونک بیت ،
چمشانک ءِ مننت ۔۔ واجہ ساچان بلوچ
|
|
Pigeon235 viewsKapodar
کپودر
کپودر یک زمانگے باز قدر و قیمت بوتگ - کہ کپودر پہ کاسد یا پیگام رسانی واستہ کارمرز کتگ - تنی وھدی کپودرے سے سد نسل است - مرچان کپودرے بالانی شرت بند انت - کپودر انسان دوستیں بالی مُرگے گیشتر شہر او بازاراں لوگ او جاگہ کنت - اے کپودرے ڈولدار تریں زات ات - او رنگ ء ہم وش انت - سیاہ رنگیں کپودر گیشتر وھشی بیت کہ بلوچ آیا چاہی کپودر گوشنت -۔
|
|
Boat on way279 viewsیکدار رہادگ انت
Yaddar rahadag ant
یکدار یا یدّار اے کسانیں لانچ ءِ کہ دریائے نزیک گوراں شکار کن انت ، اے درو شُت نہ کن انت ، اے گیشتر لانچاں وت گون انت گون ، کہ وھدے زلورت ءَ ماھوراں گیش ءُ گیوار کن انت ۔ یکدار گیشتر کم توجیلیں مردم زور انت ءُ وتی کار ءُ بار کن انت ،زردار گیشتر لانچ گرانت کہ کار ءُ بار گیشتر بیت
|
|
Date Fertile season127 viewsمچے گونش کتکیں ہوش پیک انت
Mach gonsh
مچ گونش کتگ بلے گونش کتگیں ہوش کاگدے سرا بستگ ۔ ہوش ء روچ نہ جنت ءُ گونش ہوش ء شاپیت ۔ بزاں پپُکانی کم کنت ۔ بلوچستان ء پپکانی شاپگ گیشتر گونش ہوشا مان ریچنت ۔ بلےاے یک نوکیں ہُنر ات ۔ مچ ء شاپائینگ مچ دانگ زنڈ ءُ مزن بنت ۔
|
|
Capparis Decidua184 viewsKalair
کلیر
ادا کلیر بر انت او پُہتا انت -۔
کلیر یک ٹوہیں درچکے - گیشتر ماں وڑ و گریشگاں رودیت - کلیر ڈولداریں پُل پر کنت - کلیر بر پرکنت برے ورانت و تامدارنت - منی ہیال ء اگاں ما کلیر ا میوہ بگوشاں رد نہ انت - پرچا کہ بلوچستانے جنگلی میوہ بزاں کوُنر، کنر، جگّر،کلیر و دگہ بازیں - کلیر دار ا لوگے منگ جوڑ کن انت کلیرے دارا زمین نہ وارت - کلیرے واستہ دو بتل نامدار انت
۱ لج نہ کنت کلیرا کہ بے تاکا بر کنت
۲ دار کلیر انت کہ منگہاں سے جاگہ پُروشیت
اُوے زیرّک بات کہ لیڑو ڈاچیگاں کوشیت
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
