| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,905 times |
|
|
Common Carp (Cyprinus carpio)۔159 views
گلفام
Golfam
اے وشیں آپ ءِ ماھیگ انت ۔ اشیے دراجی 120 سنٹی بیت۔ اشیے وزن 40 کیلو بوت کنت۔ اے ماھیگے عمرے کساس 65 سال انت بلے تاں 100 سال ءَ زندگ بوت کنت ۔ اے ماھیگ مکران ءَ 2005 ءَ میران ڈیم ءَ زاھری کتگ ، بلے ادے مردماں اشیارا الکاپیں نام دات نہ کتگ۔ چیزے مردمان اشیارا مشرف گشتگ ءُ لہتیں مرماں اشیارا بےنزیر گوشتگ ۔ اے ماھیگ وشیں آپیگ انت ءُ بلوچستاں وشیں دریا نہ بوتگ، بلوچستان ایوکا وشین دریا ءَ ڈیرہ غازیخان ءَ است انت بلے واکاں ڈیرہ غازی خان چہ بلوچستان ءَ جتا کتگ۔
ڈیرہ غازی خان بلوچ اے ماھیگ ءَ گلفام گوش انت۔
انڈیا ءَ اے ماھیگ ءَ رُوھُو گوش انت۔
بنگالی اے ماھیگ ءَ روحی گوش انت۔
انگریزی ءَ(Cyprinus carpio) Common Carp ۔
|
|
Salt bush. Atriplex lentiformis126 views
سُوریچک
Sorichk
سوُریچک یک کسانیں درچکے کہ گیشتر ما سورگیں جاگہاں رودیت - سوریچک بہارے موسُم ء مرّ کش ات - پُرکّویں رنگے درچک کسانیں تاک پر کنت - اشیے نرم نازرکیں تاکاں سر چن انت او لۃڑ دینت - سورچکے کاہُک باز وش انت بلے کمّے سورچک انت
|
|
Wheat181 viewsGallah
گلّہ
ادا گلّہ ھُشک انت ، بزاں پہ رون ء جاڑی انت - مئے ھند ء وھدے گلّہ رونگی بیت گڈا ھواچک کن انت بزاں گیشتر مردم کاہنت او گلّہ رونگ ء گرامانی بندگ او جوّان ء براگا باز مردم یک جاہ بنت او کار کن انت - بلے اگاں کسیے ڈگار کم انت گڈا ھواچک نہ کن انت بلکن وت ما وت گلّہا رون انت۔
|
|
A Baloch old graveyard 209 viewsدشتک ءِ کبرستان
Dashtok e Kabristan
اے کبرستان بلوچستان ءَ دشتوک زعمران انت۔ اے قبراں اگاں مردم بچاریت ہمے سرپد بیت کہ بلوچ ادے کوھنیں بود ءُ باش کنوکیں راج انت۔ اے کبر گوں زمین ءَ برابر انت۔ کبرانی سرا بلوچ باز ھاک ءُ ڈل ءپ ڈوک پر کن انت، بلے ادا درُست گار ءُ بیگواہ انت، چریشیا مردم سرپد بیت کہ بلوچستان بلوچ راج ھزاراں سال بلوچستان ءَ راج کتگ ۔
|
|
Baloch classic bag214 viewsجامگدان
Jamagdan
جامگ دان چہ گُد ءُ نرمیں پوست ءَ جوڑ کن انت۔ اے یک درپ ءِ کار ءَ کیت ۔ مستریں جامگدان ءَ قران مان کن انت ءُ کسترین ءَ جُز مان کن انت ، بلے بلوچستان زمانگ ءَ لہتیں جاہاں تنی وھدی کسانیں ازباب بزاں مُدکش، مشینوک، نپادی سُوچن، یا گوندوچ، دگہ ھُورتیں ازباب جامگ دانانی توک ءَ کتگ انت کہ گار ءُ گمسار مہ بنت ۔
|
|
Banana124 viewsموز
mouz
موز یک نیبگ یا میوہ ات - موزے درچکا کُنٹ مان نیست - موز چونایا بلوچستان ء میوہ نہ انت - پرچاکہ موز باز آپ لوٹ ات او بلوچستان ء آپے کمّی انت - بلے مرچی باندا نصیرآباد او حب ء موزے کشار بازیں وڑیا بیت - بلے ایدگہ ھند و دمگاں پہ ورگ ء واستہ لہتیں بُن وتی باگاں کش انت -۔ ادا موز پُہتہ انت پہ ورگ ءَ جاڑی انت ۔
|
|
Tamarind (Tamarindus indica)218 viewsChichakk
چیچک
چیچک چونایا ھندے درچکے - بلے ایش مسالہ ء پیم ء کارمرز کن انت - عربی اشیا تمُر ھند گوشنت - انگریزی ہم تمرند انت بزاں عربی نام زرتگ - چیچک ء درچک باز مزن بیت او کوسرک پرکنت ایشاں ھُشک کن انت او من انت - چیچک باز تُروپش انت ناروشتانی تام ء واستہ کارمرز بیت - بلوچستان چیچکے درچکا یک شومیں درچکے زان انت کہ درچک بر بوّگا ساری وتی واھُندا کُش ات، چمیشکا بلوچستان ء چیچک نہ کش انت -۔
|
|
Okra. Lady finger127 views
بنڈی ءِ پُل
Bindi e poll
بھنڈا یک سبزی ات کہ گرماگے بندات ء بلوچستان ء کش انت او تانسریں گرماگا بر دنت - بھڈا باز وشّیں او تامداریں سبزی ات مرچاں بھڈا ء لوٹ باز انت - اے زردیں او ڈولداریں پُل ء پر کنت او اشیے دراۃین پُل بر بنت - بھنڈیے باز نمونہے نارُشت اڈ بیت -۔
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
