| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,905 times |
|
|
Euphorbia alluaudii185 viewsڈیڈار
Didar
ڈیڈار یک ٹوہیں درچکے - ڈیڈار کلیرے وڑیں درچکے - بلے ڈیڈار نہ پُل پر کنت ننکہ بر - اشیا گیشتر ڈگارانِ لمبا کش انت تنکہ ڈیڈار ڈگارانی پل ببیت - ڈیڈار درچک اسپیتیں بد بوہیں شیرگ دنت کہ گورے گداں پُولنگ کن انت - ڈیڈار چاریں موسماں سبز انت
|
|
Jackal181 viewsتولگ ءُ جون
Tolag o joun
تولگ جنگلی گوشت واریں رسترےکہ بلوچستان ءَ چل ءُ پنجاہ سال بے ھساب بوتگ بلکین جنگل وتی بلے مہلونک ءِ پسانی واڑ ہم وتی زانتگ انت دل ءِ کہ اومان کتگ گڈاں چارکی ءِ واڑ پروشتگ ءُ پُلاٹوک ءِ چست کتگ۔ بلے چیزے وھداں بےگواہ بوّگا پد مرچاں پادا زاھری ءِ کتگ، بلے بلوچستان وھدیگیں بلوچستان نہ انت آ وھدے دلوت نیست انت چارگی ءِ واڈ ہم بیگواہ انت باریں نوں تولگ چتور بلوچستان ءَ وتی دائمی میتگ کنت؟
|
|
zizyphus 138 viewsکُنر بُر انت
Konar borr ant.
کُنر بلوچستان ءِ جنگل ءُ کوہانی میوہ انت ۔ بلوچستان ءَ کنر کش انت ءُ کنرءِ کار ءُ بار کن انت۔ اے اکس ءِ توک ءَ کنر بُرّ انت کہ پہ دیمے سال ءِ واستہ پاگ دنت۔
|
|
Village of Deyaat235 viewsDeyaat e Metag
دیات ءِ میتگ
دیات میران ءِ ڈیم ءَ چہ پیش کیچ کور ءِ کش ءَ آباد بوتگ ۔ بلے مرچی باندا دیات دو بازار ءَ بہر بوتگ ۔ لہتیں مردم مند دگ ءِ کش ءَ آباد انت ءُ لہتیں مردم میران ڈیم ءِ راہ ءِ کش ءَ کوہانی دامُن ءَ آباد انت - اے ہم ءِ دیات بوتگ شہید حمید ءِ وڈیں مزن دل ءِ پیداک کتگ ۔ بلے انچو سما بیت کہ بلوچانی نا تپاکی انت کہ یکّ ءِ چہ دومیا دور ءُ گستا بوّان انت ۔ منی ھیال ءَ دیات ہم ہمے نا تپاکی ءَ چہ دو میتگ ءَ بہر انت ۔
|
|
Apotag133 viewsAapotag
آپوتگ یک بے تاکیں بوٹگ ءِ کہ مدام پہ رودگ ءَ دگہ درچکانی کمک ءَ چہ رودیت ۔ ہم جاہ رودیت کہ اودا آپ مہ بیت ایوکا آپ بگوزیت ءُ نمبگ بہ بیت اے زنڈ زنڈوکیں کنٹ ءِ چہ آپ ءَ پُریں ۔ اشیا بلوچ وارت ءُ اشیا یک سلاد ءِ زانت بلے من آپوتگ ءِ سبزی ءِ ناروشت جوڑ کتگ کہ باز تامدار بوتگ انت ۔ شما ہم آپوتگے ناروشت جوڑ بکن انت کہ باز وشیں ءُ جتائیں تام کنت ۔
|
|
A kind of Date221 viewsبیگم جنگی
Begum jangi
بیگم جنگی مکران ءِ رژناہ ءُ تامدار تریں ناہ انت ، پہ کار ءُ بار ءَ ہم بیگم جنگی ءِ ناہ گیش چہ گیش بے ءُ شر بیت ۔ اے مچ ءَ اگاں تو پاک ءُ پلگار ءُ گور بکن ات ءُ اے باز ناہ دنت ۔ بیگم جنگی ناہ ءَ گیشتر ھُشک کن انت من انت ءُ پاتاں یا مرچاں پلاسٹکاں کن انت ءُ زمستان ءِ توشگ ءَ کار مرز کن انت ۔ بلے مرچاں ناہ ءَ شکر ءِ جاہ ءَ کارمرز کن انت بزاں کیک ءُ بسکوٹاں ہم ناہ پہ شرکنی کار مرز کن انت۔ بیگم جنگی ءِ پوگش باز تام دار انت ۔
|
|
Withania coagulans307 viewsPanir Baad
پنیر باد
بنیرباد یک اسپیت چکیں کسانیں درچکے کہ گیشتر ماں کوہاں رودیت - کسانیں دانگ پر کنت - اے دانگاں دو سے زورنت او یک رودے ذگریں شیرانی تہا مان کن انت پنچ و دہ منٹے توکا شیر بدانت او پنیر بنت، چمیشکا اشیے نام پنیرباد انت بزان پنیراں بادینی - اے اکسے توکاپنیرباد نوکرودیں او کسان انت -۔
|
|
Slender Skimmer (Orthetrum sabina)292 viewsPerrik
پرّک
پرّک بلوچستان ء است بلے چُنت زات او چنت رنگ انت اے باز گرانیں گپ ء دگہ ملکاں پرّک او مُلاھُکانی زات او زُریات نام گشینتگ انت - بلے بلوچستان ء تنیگا چُشیں آسرات نیست کہ اے تک ء ھیال گور کنگ بہ بیت ۔ کسانیں زھگانی دلچسپی واستہ اگاں مارا گیشتر پرّک او مُلاھُک دست بہ کپیت گڈا ما نام ء ہم پر کنیں ۔ پرّک ء سرا دو گپ یا دو بتل است چوش کہ؛
مدگ ء نشانی پرّک انت ۔
بگر ڈے پرّکا ۔ ۔ ۔ ۔ ۔ ۔ ۔ ۔
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
