| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,903 times |
|
|
Common Quail chick 276 viewsبرنجی نکول ء پڈڈ
Brinji nikol e Padd
برنجی نکول ء بلوچی باز نام است ۔ لہتیں جاہاں ایشاں ماشی نکول گوش انت باز جاہاں ایشاں بٹیر ہم گوش انت ۔ اے زمستان ء مدام گلہانی توک ء بیت گرماگ کڈب ءُ اسپُستانی تہا ٹپیت ۔ بلے وھدیکہ گلہ رون ءُ موش بنت ٹپگ ء جاگہ نہ بیت اے کورانی چپ ءُ چاگرد ٹُپ انت ءُ پہ وت وراکی درگیج انت ۔
|
|
Alfalfa, Medicago sativaa160 viewsاِسپوست
Espost
اِسپوست کسانیں کاہے کہ کد ءِ 3 فٹ بوت کنت ۔ اسپوست رُدگ ءَ باز دیر کنت، بلے اولی رند ءَ رُونگ ءَ رند پدا زوت رودیت ۔ چین ءَ 1500 سال پیشتر اسپوست پہ تہلگ کار مرز کتگ ۔ اسپوست چاز سال ءَ بگر تاں ہشت سال ءَ کاہ دنت ، بلے اگاں اسپوست ءَ جاگہ وش بہ بیت ءُ ءُ بیست سال ہم زندگ بوت کنت ۔ اسپوست ءَ باز زات انت بلوچستان ءَ جموں رنگ ءِ پُل ءِ اسپوست کارمرز کن انت بلے دریں ملکاں زرد پُل ءپ گلابی پُل ءُ دگہ بازیں زات ءِ اسپوست است ۔ اسپوست ہما کاہ انت کہ اشیا دُراہیں دلوت ورانت ءِ ۔ اسپوست ہما کاہ انت کے دگنیائے چاریں کُنڈاں کِشگ بیت ۔
|
|
Withania sommnifera ۔ Ashwagandha174 viewsکانکینک
Kankaink
کانکینک کسانیں درچک ء کہ گیشتر ٹوہیں درچکانی نوان ء رودیت - پٹکیں درچکے سوب ء وتارا داشت نہ کنت چمیشکا وتارا زندگ دارگ ء واستا مجبور انت کہ بلاھیں درچکانی ساھگ اُو نوان ء برودیت - کانکینک گونڈیں اُو گردین تاک پرکنت سُہرُکیں دانگ پر کنت جنگُل ، پنکلگ ، بُلبُل ھر وھدا کانکینک ء پانگ انت اُو دانگاں ء ورنت - وھدے زمانگا کانکینک ء دار زُرتگ اُو تلک ء واستا کُبلُک جُوڈ کتگ مُرگ شکار کتگ - ھند ء کانکینک دوا اُو درمان جوڈ کن انت
|
|
Basella115 viewsبسیلہ
Basella
بسیلہ یک ول ءِ کہ اے زمستان رودیت اے گیشتر ایشیا ءُ افریکہ کشاروز کنگ بیت ۔ ایشیے تاک چو دل ءِ وڑا انت ۔ اے ایشیے اگاں جاگہ وش بہ بیت ہشت چہ دہ میٹر دراج بیت ایشے تاکاں نارُشت کن انت ۔ ءُ سوپ ءَ ہم کار مرز کن انت ۔ مرچاں اے جہان چاریں کنڈاں کشاورز کنگ بیت ۔ بلے اے گیشتر گرمیں جاہاں شرتر رودیت ۔ما ہم وتی کسانیں باگ ءَ ہمے کشتگ ءُ نارشت جوڑ کتگ ۔
|
|
Kans Grass272 viewsڈیل
Dell
اے کاشے نمونگیں کاہے کہ اشیارا ڈیلّ گوشنت - اے کہ کسان و سبز بیت دلوت یشیارا چرانت - ابلے اگاں ہُشک بیت گڈا اشیا ڈل انت کاپر و واڈ و دگر چیزاں کارمرز کن انت
|
|
Macro Needle149 viewsگون دوچ
Gon doch
گون دوچ چہ سوچن ءَ مستر انت بزاں دراج ءُ زنڈ تر انت ۔ اشیے سرا گون دوتکگ انت چمیشکا اشیے نام گون دوچ جوڑ بوتگ ۔ ایشیے سرا مزنیں چیز دوتکگ انت۔ گونی پات ۔ گوالگ ءُ دگہ بازینے گون دوچ ءِ سرا دوچ انت ۔
|
|
One trunk two branches220 viewsمچ جمل انت
Mach jamal ant
مچ ادا جمل انت ۔ یکّیں مچ ءِ کنٹ ءَ دو سر برابریں پر زانگ نہ بیت کجام اسلی مچ انت اے مچ ءَ تورے سرا سرکپگ نہ بیت ۔ اے مچ باز ڈولدار انت ۔
|
|
Olive199 viewsزیتون
Zaiton
زیتون بلوچستان ء درچک نہ انت ۔ اے گیشتر درمیانی روچدراتکی ھند او دمگاں رودیت ، بلے فلستیں پہ زیتون نام دار انت ۔ بلے مرچی باندا یوروپ ء اسپیں ہم زیتون ء بُنجُل زانگ بیت - زیتون اے دانگ زھر انت بلے ایشان واد او آپان کن انت تنکہ زھری ء ھلاس بیت ۔ اشیے دانگاں پہ شوک ورانت - اشیے دانگاں چہ ٹیل ہم درکن انت ۔ اشیے ٹیل ہم باز کار دنت۔
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
