| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,904 times |
|
|
Basella115 viewsبسیلہ
Basella
بسیلہ یک ول ءِ کہ اے زمستان رودیت اے گیشتر ایشیا ءُ افریکہ کشاروز کنگ بیت ۔ ایشیے تاک چو دل ءِ وڑا انت ۔ اے ایشیے اگاں جاگہ وش بہ بیت ہشت چہ دہ میٹر دراج بیت ایشے تاکاں نارُشت کن انت ۔ ءُ سوپ ءَ ہم کار مرز کن انت ۔ مرچاں اے جہان چاریں کنڈاں کشاورز کنگ بیت ۔ بلے اے گیشتر گرمیں جاہاں شرتر رودیت ۔ما ہم وتی کسانیں باگ ءَ ہمے کشتگ ءُ نارشت جوڑ کتگ ۔
|
|
Dry Date fruit 121 viewsتاپ کتگیں ناہ
Tap kotgen Naah
وھدے کہ ناہاں چہ مچ ءَ روپ انت یا کہ سرچن انت گڈا ایشاں شگنزے توک ءَ گورپات یا تگرد ءِ ِ سرا تنک تنک ءَ تاپ کن انت تنکہ ناہ ھُشک بہ بنت ۔ وھداں ناہ کہ ھُشک بوتگ انت رند ءَ متگ ءُ پاتاں ھیر کتگ انت۔ ءُ تانسریں زمستان ءَ ناہ کم کم ءَ وارتگ انت۔ لگتّی ناہ وتی دلوتاں داتگ انت ۔
|
|
Pea. Pisum sativum124 viewsمٹر
Matar
مٹر یک زمستانی دھل ءِ کہ سال ءِ یک رندے کشار دنت ۔ مرچاں مٹر دگنیائے چاریں کنڈاں دست کپیت بلے چونایا اشیے روتگ بزاں کوہن تریں چاگہ دریائے نیل ءِ کش ءُ گواراں چیا کہ ادا اشیے نشاں چار ہزار ءُ پنچ سد سال چہ پیش مسیح دست کپتگ انت ءُ ھند ءَ اشیے دو ھزار پنچ سد سال پیش مسیح نشان دست کپتگ انت ۔ اے سبزی ءِ ءُ اشیا ھرچ وراگ ھور مان کن انت ۔ اے باز تامدار ءُ طاقت دیوکیں سبزی ات ۔
|
|
Heliotropium europaeum206 viewsکوڈالوک
Kodalok
کوڈالوک اسپیت چکیں کسانیں بوٹگ ءِ کہ ڈگارواں ءُ کپوت چمّانی تہا رودیت، ۔ اے کشاورزیں ڈگارانی بنداں ہم رودیت۔ کوڈالوک ءِ تاک کسانین بلے کم ءِ بَز ءُ زِبرناک انت۔ پس اشیے چرگ ءَ انچو ھُبناک نہ انت بلے ھُشتر ءِ دلپسندیں کاہ انت ۔
|
|
Mung bean. Vigna radiata163 viewsماش
Mash
ماش بلوچستان ءِ کوھنیں دھلاں چہ یکے ۔ بلے بلوچستان ءِ تاریخ ءَ ماش ءِ باروا ھاسیں مالومات نیست ۔ چونایا ماش چہ منگولیا چہ ھند ءِ ھند ءُ دمگاں سر بوتگ ۔ ھڈپّہ دور ءِ درگت ءَ پنجاب ءُ ھریانہ ءَ چار ہراز پنچ سد سال ساری ماش کشار کنگ بوتگ ۔
ماش ءَ بلوچستان ءَ نارُشت کن انت ، بلے برنج ءَ اُور گرادنت ءِ بزاں بٹ ءُ ماش بلوچستان ءِ نامداریں وراکاں چہ یکے ، بلے مرچاں چہ ماش ءَ ھلوا جوڑ کن انت ۔
|
|
Strawberry172 viewsاسٹرا بیری
Strawberry
اسٹرا بیری اٹلی ءِ جنگلی میوہ ات ۔ اشیے اولی باگ فرانس ءَ 18 ہمی قرن ءَ جوڑ کتگ۔ بلے چریشیا پیش 14 ہمی قرن ءَ فرانس ءِ بادشاہ چارلس پنچمی ءَ اولی رند ءَ اسٹرا بیری وتی محل ءِ باگ کشتگ ۔ مرچاں ہمک جاہاں اشیارا کش انت بلے انگتہ بلوچستان ءَ اے کشگ نہ بوّگ انت ۔ اسٹرا بیری کسانیں کاہ ءِ کہ ڈولداریں اسپیتیں پُل ءِ پر کنت ءُ ہمے وڑا سُہریں بر پر کنت ۔ اشیے بر باز تام دار انت ۔
|
|
Fishing and Fisherman157 viewsMahing o Mahigi
ماھیگ ءُ ماھیگی
ادا اے اکس ءِ چہ یک ماھیگی ءِ وتی دام ءَ آپ ء توک ء پچ ءُ تالان کنگا انت کہ کورے ماھیگاں شکار کنت ۔
|
|
Dill. Anethum graveolens131 views
گواتگ
Gwatag
گواتگ یک بزارے بزاں مسالہ کارمرز بیت - کسانیں بوٹگے کہ بہارَ درگتا رویت - اشیے ڈیل و ڈول چو رز او زیرّگے وڈا انت - زردیں پُل جنت - کسانیں دانگ پر کنت - کہ دانگاں چوپنت و دوگیں شیراں مان کن انت - کہ وشیں او سارتیں بوہ کنت او شیراں تامدار کنت -۔ ادا گواتگ دان انت ۔
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
