| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,908 times |
|
|
Dove is flying154 viewsکپوت چہرءَ انت
Kapot chahra ant
کپوت بال مدامی کنت بلے چہر برے برے کنت ۔ وھدے کہ بلوچستان ءَ گللہ رون بیت کپوت ہم بلوچستان ءِ رون ءَ ہم کیئت ءُ بلوچستان ءِ گرمیں موسم ءَ نپ چست کنت ءُ ہمدا وتی سپرے درگت ءَ چک ءُ بر کنت ۔ چک ءُ برے درگت ءَ کپوت بُرزیں درچک یا دارگرے سر ءَ نند ات ءُ یکدم بُرزا بال کنت ءُ بُرز روت پدا وتا یل کنت ءُ میزان میزان ءَ کپوت جہل ءَ کیئت ۔ اے بال کنگ ءَ بلوچ گوش انت کہ کپوت چہر کنگا انت ۔
اے اکس ءِ توک ءَ کپوت چہر کنگ ءَ انت ۔
|
|
Onionweed (Asphodelus fistulosus)135 views
پیملوُ
Pimalo
پیملوُ پیمازے وڑیں بلے بارگ تریں تاک پر کنت - بہارگاہ ء دریچا کشارانی تہا، میدان او جنگل ء رودیت - وھدے کسان بیت اشیا دلوت چرنت او مردُم کاہُک جوُڈ کن انت - مزن بیت گدا ہمُک بُن دہ تاں بیست کیرینگ پرکنت کسانیں اسپیتین او سُہریں لکیریں پُل ء پر کنت کہ باز ڈولدار بیت - اپریل ء زرد ترّاں بیت گُڈا دانگے ھُشک بیت تُوم ء رچنت تو اے درگتا درُچک، شاتُل اوُ کپوت دانانی چناگ او ورگ ء پیملوانی توک ء رم رما نندانت او بلوچ شکار کن انت- انچو مالوم بیت کہ پیملو شکارجاہ جوڑ بیت
|
|
Sonchus oleraceus186 viewsکلمُو رون انت
Kalamo
کلمُو نومبر تاں اپریل ء درگت ء رودیت - دو چہ سے فٹ ء کساس ء برز بیت - ذردیں ڈولداریں پُل پر کنت - تاک دراج و کمء پتن و زبر انت - تاکے برّگ پروشگ ء وھدا اسپیتیں شیرگ درکنت - اشیا ھندی ء دودھنی گوشنت - وھد ء کسان و نازرک بیت کاہکانی توک ء کن انت و گرادنت - اشیے کُنٹ بارگ و تہ ء چو کلم ء وڈا پچ انت چمیشکا کلمو ء گوشنت ادا کلمو رون انت بزاں دانگ انت ۔ بلے ہنے دانگ یک یک ءَ بال کن انت اے وھدءَ کلوے پُل کہ زرد بوتگ نوں ہنے پُل ء وڈا انت بلے اسپیت انت۔ کسانیں بارگیں آبریشم وڑیں پژم ءِ پر کہ اشیے دانگ ءَ بال کنگ ءَکُمک کن انت۔
|
|
Cynomorium Coccineum88 views
Garmask o Gazmark
گرماسک ءُ گزمرک
|
|
A rich culture of Baloch505 viewsبلوچ دود و ربیدگ ءِ چیدگ
Baloch dod o rabidag
اے واہ وت یک بلوچی دود ءِ چیدگ ات ۔ اگاں ما شرر بچاریں کہ اے واجکار کہ زامُران نندوک انت تنیگا وتی بلوچی دود و ربیدگ ءِ داشتگ انت ۔
۔1 سواس یا بزبانی
۔2 بلوچی پشک ءُ پراھیں شلوار
۔3 چادرے کمرزانی
۔4 ریش ءُ بروت [مردے نشانی]۔
۔5 سرے آبریشمی دزمال
۔6 پیری ءِ ھساء بزان لٹ
۔7 کرگیں لوگ
۔8 دزگواپیں تگرد
|
|
Sea Lavender184 viewsPajja Beyar
پجّہ بیار
اے کسانیں بوٹگ اول سرا سُہریں پُل جنت پدا اسپیت بنت او گڈ سرا گلابی بنت ۔ اے درچک دریا بار ءِ ھند ءُ دمگاں است ۔ اگاں شما کس ءِ اے کسانیں درچکا پجّہ کاریت گڈا کومنٹان دوست مداریت
|
|
Fishing net169 viewsماھور
Mahour
ماھُور بزاں دام چہ ریشمیں بندیک ءَ جوڑ بیت ۔ دام ءَ چمّگ پہ ماھیگ ءِ کساس ءَ جوڑ کن انت۔ کسانیں ماھیگانی واستہ گونڈیں چمّگ ءُ ٹوہیں ماھیگانی واستہ مزنیں چمّگ ماھور ءَ پر کن انت تنکہ ماھیگ ہمے چمّگانی تہا بہ گپّیت ۔ بلے اے ماھور پلاسٹیک ءِ بندیک ءَ جوڑ کتگ کہ دگنیائے توک ءَ اے پی ماھیگ ءِ شکار ءَ اسل ءَ چہ منع کتگ ۔ بلے بلوچستان یکین ھند انت دگنیائے توک ءَ ادا پلاسٹک بندکانی سرا ماھیگ شکار کن انت ۔ ریشمیں بندیک ءِ ماھورے ماھیگ چہ چمّگ دربیئیت پدا زندگ ءُ سلامت بیت بلے پلاسٹیک بندیک ءِ ماھیگ ٹپّی بیت ءُ مر ایت ۔ چمیشکا دگنیائے توک ءَ پلاسٹیک بندک ءِ ماھورنیست ، بلے بلوچستان ءَ اِرّاں بوستی انت ، تو ھرچی کنے جائز انت ۔
|
|
Hume's Wheatear128 viewsہراں سیاھلوک
Haran seyahalok
ہران سیاھلوک کسانیں بالی مُرگ کہ سر بر سیاہ ء چیر ء اسپیت انت ۔ اے مدامی کٹگ کرم بالو ء چنت وارت یا شکار کنت ۔ ھران سیاھلوک لوگ کش ءُ گواراں گندگ بہ بیت ۔ بلوچ ہمے زان انت کہ مہمان ء لازم لوگ ء کیت ۔ ۔
اے مُرگ 1872 الن ھیوم ء بلوچستان ء درگیتکگ ۔ الن ھیوم اے درگت ء بریٹش انڈیا ء مُرگانی عالم ء بوتگ ۔
|
|
|
|
Tecoma 2 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
