| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,904 times |
|
|
ANSTATICA HIEROCHUNTICA194 viewsMochcho
مْچّو
مْچو یک کسانیں کاہے کہ کوہ دیم ء رودیت - اے اسپیتچکیں بلے زمین ء سرا پراہ روت - ایشیے قد کسان انت - دیسمبر ء بگر تاں اپریل ء زندگ بیت بلے اپریل ء گڈسرا ھشک بوان بیت اشیے پراہ شتگیں شاہ و لمب مْچ بنت - ھم ء سوب انت کہ اشیارا مْچو گوشنت
|
|
Castor oil plant191 viewsمُرپد
Morpad
مرپد یک برزین درچکے - کہ ایشیے تاک ہ بر بزاں دانگاپی دوا کارمرز کن انت - جلاب چہ مرپد ء پیداک بیت - کہ گوانڈوانی لاپ ریچگا کارمرز کن انت - مُرپد دو لبزانی اواری انت بزان مُرگ پد بلے نا اشیے تاک مُرگے پدے ڈولا انت نا کہ دانگ بلے چہ پیم اے نام داتگ یک زبان زانت ء بزانت
|
|
Crab167 views
تگس بِلو
Tagas Bello
تگس بِلو بزاں انگریزی بلو بزاں سبز
اے تگس اَنت ، گیشتر تیابی ریامانی تہ ءَ زندگی کن اَنت ، ریام ھما سنگ ءَ گْوش اَنت کہ تیاب ءِ دپ ءَ یا تلگ آپ بزاں کمیں آپ ءَ ھست اَنت ءُ وھدے کہ آپ بیل بزاں پُر ءَ کئیت آ آپ ءِ چیر ءَ بنت،وھدے آلاڑ ءَ روت بزاں آپ پشت ءَ روت ھمے سنگ کہ ریام گْوشگ بنت ڈن ءَ گندگ بنت ۔ھمے سنگانی سر ءَ رُستگیں شنزکیں کاہ ءُ دگہ ساھدار تگسانی وراک ءُ وردن اَنت ۔ تگس ءَ چوش زیم ءَ دو پکڑ گْونگیں دست پر اِنت کہ گوں ایشاں ورگاں سند اِیت ءُ وارت تگس ءِ ھمے دستانی بند سک مھکم ءُ مُھر اِنت اگاں انسان ءِ گْوشت ءَ بہ بند اِیت گوں آسانی ءَ پچ کنگ نہ بیت ۔تگس ءِ دپ ءَ گْرادنت ءُ ور اَنت تگس باز وڑیں ھست ، گْوش اَنت کہ تگس ءِ دپ پہ کُلگ ءُ کْران ٹی ٹی ءَ مرسان انت ۔
منت ۔۔ قاضی ریحان
Pic by Akhtar Omar
|
|
Greater Hoopoe-Lark141 viewsجَنِک ریپ
jenik rip
جَنِک ریپ جَڈول ءِ نسلاں چہ یک نسل انت کہ دگہ جڈولاں چہ مستر ءُ سُنٹ (چُمب) دراج انت۔ اے اکس من نوشکی ءَ کشتگ ابید چہ نوشکی ءَ خاران ءَ ھم من اے مُرگ کشگ اے مُرگ ھندی جہمنندیں مُرگے اے بلوچستان شمال ءِ بگر داں خیرپُور ءِ ریک ءَ کشگ بیتگ الم ھمے مُرگ راجستان یا گجرات ءَ ھم بیت، اے بلوچ دمگاں کُل سال گندگ بیت ءُ ھمے ھنداں رین کنت۔
من وہدے نوشکی ءَ مَردم جُست کُرتاں کہ جَنِک ریپ پَرچا گڑا یک کسہ ءِ اتک کہ کسانیں گونڈو ایں جِنِک اشی دمگ ءَ کپتگ ءُ گسر بیتگ ریک پاد ءَ تُنیگ بیتگ بیران بیتگ۔ اشی اگاں نزیک ءَ کسے روت گڑا اے کسانیں بال کنت ءُ دیمتر نندیت ھمے وڑا کم کمے دیر بیان بیت پمشکہ جَنِک ریپ نام کَپتگ
منت سلمان بلوچ
|
|
Dove is flying154 viewsکپوت چہرءَ انت
Kapot chahra ant
کپوت بال مدامی کنت بلے چہر برے برے کنت ۔ وھدے کہ بلوچستان ءَ گللہ رون بیت کپوت ہم بلوچستان ءِ رون ءَ ہم کیئت ءُ بلوچستان ءِ گرمیں موسم ءَ نپ چست کنت ءُ ہمدا وتی سپرے درگت ءَ چک ءُ بر کنت ۔ چک ءُ برے درگت ءَ کپوت بُرزیں درچک یا دارگرے سر ءَ نند ات ءُ یکدم بُرزا بال کنت ءُ بُرز روت پدا وتا یل کنت ءُ میزان میزان ءَ کپوت جہل ءَ کیئت ۔ اے بال کنگ ءَ بلوچ گوش انت کہ کپوت چہر کنگا انت ۔
اے اکس ءِ توک ءَ کپوت چہر کنگ ءَ انت ۔
|
|
Babblar167 viewsپنتول اُو پنکلگ
Pentol o Penkalag
پنتول یا پنکلگ کسانیں مرُگ ۔ آئیے دُمب دراج انت ۔ بانزولانی پُٹ کسان انت ۔ پنتول باز بال کُت نہ کنت ۔ پنول بلوچستان ءِ جنگلانی الہان انت۔ گونڈیں مُرگے بلے آواز ءِ باز بُرز انت ۔
Pic by M. A. Talpur
|
|
Dove152 viewsکپوت
Kapot
کپُوت بلوچستان ء جہمنندیں مُرگے نہ انت - بلے سالے شش ماہاں کپوُت بلوچستان ءَ گوازینت - وھدے یُوروپ ءَ شرتگ ءُ گوریچ کشّگا بُنگیج کنت ڈنّ و ڈگار برپین بنت گڈا ایدگہ مُرگانی وڈا کپوت سپر کنت او بلوچستان 1 مارچ ءَ زائری کنت - اے درگت بلوچستانء گلّہے روُن بیت - کپوت وتی دو و سے ماہے سپرے ژندیا بلوچستانے مچکدگ،جنگل و پٹ و میداناں چہ کشّیت - بلوچستان گرماگے موسم کپوتے ہیک رینیے واستا باز دلجم انت - کپوت اگست ء واتر بیت
اجب گیر کاینت ندارگ گُلانی
کپوتانی کوُ کوُ کرام شانتلانی
میجر مجید
|
|
New born tomato158 viewsچماٹوک ءِ توموک
Chamatok e tomok
سبزی ءِ کشگ ءَ چہ پیش آیے توماں یک کسانیں بجن یا تل ءِ تہا چنڈ انت تنکہ برودنت۔ اے وھدے رُد انت ءُ بٹیرو بنت نوں ایشاں چداں چہ گواجنت ءُ دگہ جوڑ کتگیں ڈگارانی تہا کش انت ۔ تومُک کہ مزن بیت گڈا جلدی رُدیت ءُ زوت پاگ ءِ دئیگ بندات کنت ۔ اگاں توموک چماٹوک ءِ بہ بیت کہ بٹاگ ۔ اے اکس ءِ توک ءَ چماٹوک ءِ توم پہ کشگ ءَ جاڈی انت۔
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
