| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,904 times |
|
|
Pomegranate106 viewsانار
Anaar
انار یک میوہ ات کہ گیشتر گرماگے ھلاسی او زمستان ء اول سرا پا ورگ ء جاڈی بیت - انار پُل او انارے گروہگ گیشتر بلوچ شاہراں پہ جنک ء شرّنگی ء تشبیح داتگ انت - بلوچستان انارے واستہ وش تبیں موسُم دنت - مکران ے برزی ھنداں بگر تاں سراوان تاں توران اے انارے ردوما باز جوانیں ھند و دمگ انت - انار سُہریں گروھگے توکا سُہریں شیرکنین او تُروپشیں دانگ مان - انار کہ گیش بنت گڈا ایشان تاپ کن انت او اناردانگ جوڈ کن انت - آیے پُوستا چہ بندگ او پژم رجنت - انار دلے نادراہ اے علاج انت -۔
|
|
Pineapple 138 viewsالناس
Alennas
الناس بلوچستان ء میوہ نہ انت ۔ بلے اگاں تو بلوٹے بلوچستان ء کشت کنے ۔ ایشیا توم مان نیست بلے ایشے دانگے سر برا یک شاہ ء رودیت ۔ وھدے کہ لوٹ ایشیا بکش ات گڈا تو میوہ ء سرے شاہ برے چپ ء برے راست تاب دے چہ میوہ جدا بیت ۔ وھدے کہ تو جدا کت نوں اشیے چیرے نیمگے کسانیں تاکاں چہ شاہ ء لڑین بزاں یک تا دو انچ ساب کن ۔ ہمدا اے روتگ جنت ۔ ایشیا تو سمات ریک ملکاں یک جاہ کن ء بکش ء اے شش ہپتگ ء توکا زاہری کنت کہ رستگ ۔
|
|
Wood Apple174 viewsبٹو
Batoo
ملیر ءِ چپ چاگرد ءَ بیت، اے چو ٹینس ءِ بول ءِ وڑ ءَ انت، پوست ءِ سک (ڈڈّ) انت، آمگی ءَ تہل انت ءُ پچگ ءُ تیار بیگ ءَ پد اشی ناسی رنگیں ٹہا شِرک ءُ تْرپشیں مجگ ءِ در کئیت۔ بٹو ءِ درچک سک مزن بنت چو شِرِِِش ءِ وڑا بُرز ءُ پِراہ بالاد بیت۔
اکس ءِ منت ۔ واجہ سلمان بلوچ
نام ء منت واجہ شاید مراد
|
|
Butterfly188 viewsمُلاھوک
Mollahok
بہارگاہ ءِ درگت ءَ مُلاھوک ہم گیش بنت ءُ بہارانی سرا نند انت ءُ وتی ھاجت ردا شیرگ چونس انت ، ادا مُلاھوک گراپاد ءِ سرا نشتگ ۔
|
|
Mullet171 viewsمُربہ
Morba
مُربہ، مُربُک یا مُربو یک کسانیں ماھیگ کہ قد چہ 15 بگر تاں 16 سنٹی بیت۔ اے ماھیگ گیشر تیاب دپاں رم ءِ شکل ءَ گردیت ۔مُربہ آپ ءِ سر بری نیمگا بیت ۔
|
|
Chrozophora tinctoria230 viewsکپُوت چمّ
Kapot Chamm
کپوت چم کسانیں بُوٹگ ات کہ گیشتر ماں ڈگارواں گرماگے درگت ء رودیت - اسپیت رنگیں تاک پر کنت کسانیں دانگ پر کنت کہ شانتُل و کپوت اشیے دانگاں پا شوق چن انت و ورانت - کپوت چم ء چہ کلم ء سبز رنگیں سیاہی جوڑ بیت -
|
|
Common Carp (Cyprinus carpio)۔ 189 viewsگلفام
Golfam
اے وشیں آپ ءِ ماھیگ انت ۔ اشیے دراجی 120 سنٹی بیت۔ اشیے وزن 40 کیلو بوت کنت۔ اے ماھیگے عمرے کساس 65 سال انت بلے تاں 100 سال ءَ زندگ بوت کنت ۔ اے ماھیگ مکران ءَ 2005 ءَ میران ڈیم ءَ زاھری کتگ ، بلے ادے مردماں اشیارا الکاپیں نام دات نہ کتگ۔ چیزے مردمان اشیارا مشرف گشتگ ءُ لہتیں مرماں اشیارا بےنزیر گوشتگ ۔ اے ماھیگ وشیں آپیگ انت ءُ بلوچستاں وشیں دریا نہ بوتگ، بلوچستان ایوکا وشین دریا ءَ ڈیرہ غازیخان ءَ است انت بلے واکاں ڈیرہ غازی خان چہ بلوچستان ءَ جتا کتگ۔
ڈیرہ غازی خان بلوچ اے ماھیگ ءَ گلفام گوش انت۔
انڈیا ءَ اے ماھیگ ءَ رُوھُو گوش انت۔
بنگالی اے ماھیگ ءَ روحی گوش انت۔
انگریزی ءَ(Cyprinus carpio) Common Carp ۔
|
|
ِID164 viewsپجّار
Pajjar
اے کسانیں ریمُک ءَ شما پجّہ کارے؟
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
