| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,904 times |
|
|
Dove152 viewsکپوت
Kapot
کپُوت بلوچستان ء جہمنندیں مُرگے نہ انت - بلے سالے شش ماہاں کپوُت بلوچستان ءَ گوازینت - وھدے یُوروپ ءَ شرتگ ءُ گوریچ کشّگا بُنگیج کنت ڈنّ و ڈگار برپین بنت گڈا ایدگہ مُرگانی وڈا کپوت سپر کنت او بلوچستان 1 مارچ ءَ زائری کنت - اے درگت بلوچستانء گلّہے روُن بیت - کپوت وتی دو و سے ماہے سپرے ژندیا بلوچستانے مچکدگ،جنگل و پٹ و میداناں چہ کشّیت - بلوچستان گرماگے موسم کپوتے ہیک رینیے واستا باز دلجم انت - کپوت اگست ء واتر بیت
اجب گیر کاینت ندارگ گُلانی
کپوتانی کوُ کوُ کرام شانتلانی
میجر مجید
|
|
Potronk280 viewsPotronk
پُترونک
پترونک یک شرّین ءُ زیب داریں کاہ ئے ،،اے کاہ ءِ موسم بہارے موسم اِنت ۔ ھور سالی ءَ کہ بھار میچے ھور بنت ، گُڈا ھما دمگاں کہ مدام ،،پُترونک ،،بیت ، گُڈا ھمے جاہاں پُترونک رودیت ۔پترونکے دگہ یک شرّی ئے اش اِنت کہ اشہ بُن ھچ نہ مریت، پُترونکے بُن چو کسانیں شلغم ءِ بُنڈ ءَ اِنت ، بلے پُترونک ءِ بُنڈے پوست سیاہ اِنت ،پترونکے بُنڈءَ اگہ کسے در بکنت ، یک جاھے بکشیت دومی سالءَ ھمے بُنڈ پدا تاک بیت ،، پترونک بس چار ءُ پنچ تاک جنت ، سک وشءُ تامدار اِنت ، یک مردمے پترونکے کم چہ کم کیلوئے ءِ اندازہءَ وارت کنت ، پترونک زیادہ چہ زیادہ 15 روچ سبز بیت ، پدا گلّونٹ جنت ، چہ گلّونٹ ءَ پد زرد پُلّ بیت ، پترونکے پُلّ سک زیبدار اِنت ،ءُ سکّیں وشبوئیں پّلّے ،چار ءُ پنچ روچءَ رند پُلّ گیمریت ءُ ھمے پُلّے تہے براں گوات بارت ، پدا دگہ سالے ءَ ھمے بر ھم رُدنت ۔پترونک زیادہ بلوچستان ءِ لہتیں دمگاں بیت ، ۔ پنجگور زیاد بیت ۔ پروم نگور کاٹگری پلنتاک زعمران بلیدہ واشُک دگہ باز ھنداں پترونک بیت ،
چمشانک ءِ مننت ۔۔ واجہ ساچان بلوچ
|
|
178 viewsAprouz
اپروز
اپروز یک وت رودیں پُل ء کہ بلوچستان جنگل ، پٹ او میدان ، کشاورزیں ڈگاراں رودیت - جمو دروشم ء پُل چو بٹاگ پُل ء وڑا انت باز ڈولدار انت -۔
|
|
Haplophyllum (Haplophyllum tuberculatum)250 viewsSadaap
سداپ
سداپ کسانیں بُوٹگ ء ماں ڈگارواں آپانی ملّتگیں سرکگ ڈنّاں رودیت - سداپ زردیں پُل ء پر کنت کہ باز ڈولدارنت - سداپ ء تاک و بوُچاں پہ درمان جوڈ کن انت - کسانیں زھگ ء دلبند یا سینگ کرّ کرّ بہ کنت گڈا سداپے بُچّاں لہڑ دیینت اُو آپاں تنگین انت
|
|
Pigeon243 viewsKapodar
کپودر
کپودر یک زمانگے باز قدر و قیمت بوتگ - کہ کپودر پہ کاسد یا پیگام رسانی واستہ کارمرز کتگ - تنی وھدی کپودرے سے سد نسل است - مرچان کپودرے بالانی شرت بند انت - کپودر انسان دوستیں بالی مُرگے گیشتر شہر او بازاراں لوگ او جاگہ کنت - اے کپودرے ڈولداریں رنگاں چہ یکّے اشیا بلوچیا کمبرو کپودر گوشنت -۔۔
|
|
Chasteberry214 viewsگوانیک
Gwanik
گوانیک ٹُوہیں درچکے بلے بلوچستان ء گیشتر شیپانی لمب ء کش انت ء کہ ہُورے درگتا شیپانی آپ میتگ اُو ڈگاراں تاوان مہ دنت - گوانیک ڈولداریں پُل ء پر کنت - اگاں گونیک ء تاکاں وتی لوگے کش او گواران ہیر بکن ات گڈا مگسک تئی لوگ ء یلہ کن انت - ڈنّی مُلکاں گوانیک ء چہ آتار جُوڈ کن انت
|
|
Pigeon is flying169 viewsکپودر بال انت
Kapodar bal ant
کپودر ءِ بال ہم ٹوہیں ارزشت ءِ داریت ، شرتی کپودراں سباہ ءَ بال دیئنت نیمروچ ءَ چہ بال انت، یک تانسریں بیل یا بال کنت ءُ دم ہم نہ بارت ، وھدے زمانگاں کپودر پیغام دیم دیئگ ءِ واستہ کاسد ءِ کار گپتگ انت ۔ مرچاں ہم باز مردماں کپودرے دارگے شوق است ۔ کپودرے باز نسل است کہ یکّ چہ دومی نسل ءَ جتا انت ۔
کپودر ءَ بال کتگ بُرز ءَ
منی دل بارگ ءَ برُتگ
|
|
Basil176 viewsNazbo Rihaan
نازبو ریہان
اے نازبو ریھان انت - اے ناسی رنگیں بلاھین گُنچہیں پُل پر کانت کہ بے ھساب ڈولدار انت - اشیے بوہ سرد انت - او بوہ ء مدام تالان انت -
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
